କୃଷିବିଲକୁ ସୁନ୍ଦରଗଡ଼ କଂଗ୍ରେସର ବିରୋଧ
ସୁନ୍ଦରଗଡ଼, (ବଡ଼ ଖବର ବ୍ୟୁରୋ): ସାରା ଦେଶରେ କୃଷି ବିଲକୁ ଜୋରଦାର ବିରୋଧ କରୁଛନ୍ତି ବିରୋଧୀ । ଦେଶର ବିଭିନ୍ନ ସ୍ଥାନରେ ଏହି ବିଲକୁ ବିରୋଧ କରି ରାସ୍ତାକୁ ଓହ୍ଲାଇଛି କଂଗ୍ରେସ । ଓଡ଼ିଶାରେ ମଧ୍ୟ ବିଲକୁ ଜୋରଦାର ବିରୋଧ କରିଛି କଂଗ୍ରେସ । ରାଜ୍ୟର ବିଭିନ୍ନ ସଦର ମହକୁମାରେ ଜିଲ୍ଲାପାଳଙ୍କ ଅଫିସ ଆଗରେ ଧାରଣାରେ ବସିବା ସହ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛି କଂଗ୍ରେସ । ଏହିପ୍ରରିପ୍ରେକ୍ଷିରେ ଆଜି ସୁନ୍ଦରଗଡ଼ ଜିଲ୍ଲା କଂଗ୍ରେସ ପକ୍ଷରୁ ଜିଲ୍ଲାପାଳଙ୍କ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି ।
ଏହି ବିଲ ଜରିଆରେ ଚାଷିମାନଙ୍କୁ ଶୋଷଣ କରି ବଡ଼ ବଡ଼ିଆଙ୍କୁ ଫାଇଦା ଦେବା ପାଇଁ କେନ୍ଦ୍ର ସରକାର ଚେଷ୍ଟା କରୁଥିବା ଅଭିଯୋଗ ଆଣିଛି କଂଗ୍ରେସ । ଏହି ବିଲକୁ ପ୍ରତ୍ୟାହର କରିବା ପାଇଁ ଦାବି କରିଥିଲା ଦଳ । ପୂର୍ବତନ ବିଧାୟକ ଜର୍ଜ ତିର୍କିଙ୍କ ନେତୃତ୍ୱରେ ଆୟୋଜିତ ଏହି ବିକ୍ଷୋଭରେ କଂଗ୍ରେସ ନେତା ପ୍ରଫୁଲ ମାଝି,ବେଣୁ ମାଧବ ତ୍ରିପାଠୀଙ୍କ ସମେତ ବହୁ କର୍ମୀ ସାମିଲ ହୋଇଥିଲେ ।
