ରିଲିଜ ହେଲା ‘କଙ୍ଗୁଭା’ର ପୋଷ୍ଟର
ଭୁବନେଶ୍ୱର (ବଡ଼ ଖବର ବ୍ୟୁରୋ): ଦକ୍ଷିଣର ସବୁଠାରୁ ବଡ ତାରକା ସୂର୍ଯ୍ୟ ବର୍ତ୍ତମାନ ନିଜ ଦମଦାର ଫିଲ୍ମକୁ ନେଇ ଉତ୍ସାହିତ ଅଛନ୍ତି । ଫିଲ୍ମଟି ପ୍ରାୟ ୧୦ଟି ଭାଷାରେ ରିଲିଜ ହେବ । ଚଳଚ୍ଚିତ୍ର ‘କଙ୍ଗୁଭା’ର ପୋଷ୍ଟର କିଛି ସମୟ ପୁର୍ବରୁ ଆସିଥିଲା । ପୋଷ୍ଟର ଦେଖି ସିନେମା ପ୍ରଶଂସକମାନେ ଉତ୍ସାହିତ ଅଛନ୍ତି । ସୂର୍ଯ୍ୟଙ୍କ ଜନ୍ମଦିନରେ ଦର୍ଶକଙ୍କୁ ଏକ ବଡ ଉପହାର ଦେଇ ନିର୍ମାତାମାନେ ‘କଙ୍ଗୁଭା’ର ଝଲକ ସେୟାର କରିଛନ୍ତି । 
ବିଗତ କିଛି ବର୍ଷ ଧରି,ଭାରି ଭିଏଫଏକ୍ସ ସହିତ ବହୁ ପରିମାନରେ ନିର୍ମିତ ଅନେକ ଏପିକ ଡ୍ରାମା ଚଳଚିତ୍ର ଆସିଛି । ମାତ୍ର ସୁପରଷ୍ଟାର ସୂର୍ଯ୍ୟଙ୍କ ଏହି ଫିଲ୍ମଟି କିଛି ନୂଆ ଝଲକ ନେଇ ଆସିବ ବୋଲି ଫ୍ୟାନ୍ସମାନେ ଆଶା କରୁଛନ୍ତି । ତେବେ ସାଉଥ୍ ଷ୍ଟାରଙ୍କ ଏହି ଫିଲ୍ମଟି ଦର୍ଶକ ମାନଙ୍କୁ କେତେ ପସନ୍ଦ ଆସିବ ତାହା ଫିଲ୍ମର ରିଲିଜ ପରେ ଜଣାପଡିବ ।
