୨୦୨୩ ଅନାସ୍ଥା ପ୍ରସ୍ତାବ ପୂର୍ବାନୁମାନ କରିଥିଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ  (ବଡ଼ ଖବର ବ୍ୟୁରୋ):  ମଣିପୁର ତାତିକୁ ନେଇ ସରଗରମ ରହିଛି ଗୃହ । ବିରୋଧୀ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରୁଥିବା ବେଳେ ବିରୋଧୀ ମେଣ୍ଟ ‘ଇଣ୍ଡିଆ’ ସରକାରଙ୍କ ବିରୋଧରେ ଅନାସ୍ଥା ଅଣିବା ପାଇଁ କରୁଛି ଯୋଜନା । ତେବେ ଅନସ୍ଥା ପ୍ରସ୍ତାବକୁ ନେଇ ସୋସିଆଲ ମିଡ଼ିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୨୦୧୮ ର ଏକ ଭିଡିଓ ଭାଇରାଲ ହେବାରେ ଲାଗିଛି। ଯେଉଁ ଭିଡିଓରେ, ପ୍ରଧାନମନ୍ତ୍ରୀ ମୋଦି ୨୦୨୩ରେ ଏକ ଅନାସ୍ଥା ପ୍ରସ୍ତାବ ପାଇଁ ପ୍ରସ୍ତୁତ ହେବାକୁ ଅନୁରୋଧ କରୁଥିବା ଦେଖିବାକୁ ମିଳିଛି।

ଲୋକସଭାରେ ମୋଦିଙ୍କ ଏଭଳି ମନ୍ତବ୍ୟ ନେଇ ହାସ୍ୟରୋଳ ସୃଷ୍ଟି ହୋଇଥିବାର ଦେଖିବାକୁ ମିଳିଛି। ଶାସକ ଦଳ ଏନଡିଏ ୨୦୧୮ରେ ଟ୍ରଷ୍ଟ ଭୋଟ ଜିତିବା ପରେ ପ୍ରଧାନମନ୍ତ୍ରୀ ମୋଦି ଏହି ବିବୃତ୍ତି ଦେଇଥିଲେ। ୨୦୧୮ ରେ, ଅବିଶ୍ୱାସ ପ୍ରସ୍ତାବ ତେଲୁଗୁ ଦେଶମ ପାର୍ଟି ଦ୍ୱାରା ଅଣାଯାଇଥିଲା ଏବଂ ସେତେବେଳେ ବିରୋଧୀ ଦଳର ଅନେକ ଦଳ ଏହାକୁ ସମର୍ଥନ କରିଥିଲେ। ସୁମିତ୍ରା ମହାଜନ ଲୋକସଭା ବାଚସ୍ପତି ଟ୍ରଷ୍ଟ ଭୋଟ ଅନୁମତି ଦେଇଥିଲେ ଏବଂ ଏନଡିଏ ୩୧୪ ଭୋଟ ପାଇଥିଲା।