ଚର୍ଚ୍ଚାରେ ବାବୁରାମଙ୍କ ରିକ୍ସା, ଯାହା କୌଣସି ଆଲିସନ ବଙ୍ଗଳାଠୁ କମ ନୁହେଁ ।
ମୁମ୍ବାଇ (ବଡ଼ ଖବର ବ୍ୟୁରୋ):ଫୁଟପାଥରେ ହଜାର ହଜାର ଲୋକଙ୍କୁ ଆପଣ ଦେଖିଥିବେ । କିନ୍ତୁ ମହାରାଷ୍ଟ୍ରର ଫୁଟପାଥରେ ରହୁଛନ୍ତି ଜଣେ ଏମିତି ବ୍ୟକ୍ତି ଯିଏକି ନିଜ ରିକ୍ସାକୁ ପରିଣତ କରିଛନ୍ତି ଆଲିସନ ବଙ୍ଗଳାରେ । ସେ ହେଉଛନ୍ତି ହାଇଟେକ ଭିକ୍ଷୁକ ବାବୁରାମ ।
ସବୁଠୁ ଖାସ କଥା ହେଉଛି ତାଙ୍କ ରିକ୍ସାରେ ରହିଛି ଆତ୍ୟାଧୁନିକ ସୁବିଧା । ରିକ୍ସାରେ ଏଲଇଡି ବଲବ ସହିତ ଟିଭି, ସ୍ପିକର, ଇନଭଟର, ଜେନେରେଟର, ଫ୍ୟାନ ଓ ଖଟ ମଧ୍ୟ ରହିଛି । ଏହି ରିକ୍ସା ତାଙ୍କର ଆଲିସନ ବଙ୍ଗଳା ପାଲଟିଥିବା ବେଳେ ବାବୁରାମ ନିଜ ପତ୍ନୀଙ୍କ ସହିତ ଭାରତ ଭ୍ରମଣ କରୁଛନ୍ତି । ସେ ଏହି ରିକ୍ସାରେ ନିଜ ପତ୍ନୀଙ୍କ ସହିତ ଗତ ୬ବର୍ଷ ଧରି ଜୀବନ କାଟୁଛନ୍ତି ।
ପ୍ରଥମେ ସେ ଭିକ୍ଷା ବୃତ୍ତି କରୁଥିଲେ ଏବେ ସେହି ରିକ୍ସାରେ ହିଁ ଏକ ଦୋକାନ ଦେଇଛନ୍ତି ।ତେବେ ଏହି ରିକ୍ସା କୁ ବାବୁରାମ ନିଜେ ଡିଜାଇନ କରିଛନ୍ତି ।ପ୍ରତ୍ୟେକ ଜିନିଷ କୁ କିସ୍ତିରେ ନେଇ ସେ ଏହି ରିକ୍ସାକୁ ଏକ ଘର ଭଳି ସଜାଇଛନ୍ତି । ବାବୁରାମଙ୍କ ଏହି ରିକ୍ସାଟି ଅତ୍ୟନ୍ତ ସ୍ୱତନ୍ତ୍ର ।
