ନୁଆଦିଲ୍ଲୀ(ବଡ଼ ଖବର ବ୍ୟୁରୋ): ଅକ୍ଷୟ କୁମାର ଏବଂ ପଙ୍କଜ ତ୍ରିପାଠୀଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ଓ ମାଇଁ ଗଡ’ କୁ ନେଇ ବିବାଦ ଥମିବାର ନାଁ ଧରୁନି । ପୂର୍ବରୁ ସେନ୍ସର ବୋର୍ଡର ଅନୁସନ୍ଧାନ କମିଟି ଏହି ଚଳଚ୍ଚିତ୍ରକୁ ସମୀକ୍ଷା କମିଟିକୁ ପଠାଇଥିଲେ । ବର୍ତମାନ ଫିଲ୍ମଟିକୁ ଦେଖିବାପରେ ସମୀକ୍ଷା କମିଟି ଏଥିରେ ଥିବା ୨୦ଟି ସିନ୍ ବା ଦୃଶ୍ୟକୁ କାଟିବା ଲାଗି ପରାମର୍ଶ ଦେଇଛି ।ତେବେ ସମୀକ୍ଷା କମିଟିର ଏହି ପରାମର୍ଶ ପରେ ଚଳଚ୍ଚିତ୍ର ନିର୍ମାତ୍ତା ଖୁସି ନାହାନ୍ତି । ନିର୍ମାତ୍ତାଙ୍କ କହିବାକଥା ଫିଲ୍ମଟିରେ ଏମିତି କିଛି ସିନ ନାହିଁ, ଯେଉଁଠି ସିନ କାଟିବାର ଆବଶ୍ୟକତା ଅଛି ।
ତେବେ ଚଳଚ୍ଚିତ୍ରଟି ୧୧ ଅଗଷ୍ଟରେ ରିଲିଜ ହେବାକୁ ଥିବା ବେଳେ ଏହାକୁ ସେନ୍ସର ବୋର୍ଡ ଅନୁମୋଦନ କରିନାହିଁ । ରିଲିଜ ହେବାକୁ ଆଉ ୧୫ ଦିନ ବାକିଥିବା ବେଳେ ଏ ପର୍ଯ୍ୟନ୍ତ ସିନେମାଟିର ଟ୍ରେଲର ରିଲିଜ ହୋଇନାହିଁ । ଫିଲ୍ମର ପ୍ରମୋସନ ମଧ୍ୟ ହୋଇପାରୁନାହିଁ । ତେବେ ଏଭଳି ପରିସ୍ଥିତିରେ ଫିଲ୍ମ ରିଲିଜ ତାରିଖ ଘୁଞ୍ଚିପାରେ ବୋଲି ଆଶଙ୍କା ରହିଛି ।
