ସହୀଦ ସପ୍ତାହ ପାଇଁ ଓଏସଆରଟିସି ବସ ବାତିଲ

ଭୁବନେଶ୍ୱର (ବଡ଼ ଖବର ବ୍ୟୁରୋ): ନକ୍ସଲ ମାନେ ସହୀଦ ସପ୍ତାହ ପାଳନ କରଥିବା ହେତୁ ଯାତ୍ରୀଙ୍କ ସୁରକ୍ଷା ପାଇଁ ଓଏସଆରଟିସି ନକ୍ସଲ ପ୍ରବଣ ଅଚଂଳ ଦେଇ ଯାତାୟତ କରୁଥିବା ଯାତ୍ରୀବାହୀ ବସ ଗୁଡିକୁ ବାତିଲ କରିବା ପାଇଁ ନିଷ୍ପତ୍ତି ନେଇଛି । ୨୭ ଜୁଲାଇ ୨୦୨୩ ରୁ ୩ ଅଗଷ୍ଟ ୨୦୨୩ ପର୍ଯ୍ୟନ୍ତ ବାତିଲ ହେଲା ଅଫ୍ ରୁଟ ବସ । ୨୭ ଜୁଲାଇ ୨୦୨୩ ରୁ ୪ ଅଗଷ୍ଟ ୨୦୨୩ ପର୍ଯ୍ୟନ୍ତ ବାତିଲ ହେଲା ଡାଇନ ରୁଟ ବସ । କଟକ ଭୁବନେଶ୍ୱରରୁ ଭବାନୀପାଟଣା-ଲାଞ୍ଜିଗଡ଼,ବାଲିଗୁଡା, ଆର. ଉଦୟଗିରି ରୁଟରେ ବସ ଚଳାଚଳ ବନ୍ଦ ହେବ ବୋଲି ବିଜ୍ଞାପନ ପ୍ରକାଶ ପାଇଛି । ସେହିପରି ବ୍ରହ୍ମପୁରରୁ କାସିନଗର ବାଲିଗୁଡା ଓ ଭବାନୀପାଟଣାକୁ ଯାତ୍ରୀ ପରିବହନ ବନ୍ଦ ରହିବ ବୋଲି ଜଣାପଡିଛି । ସେହିପରି, ଭବାନୀପାଟଣା ଗୋପିନାଥପୁର ,ରାଇଘର, ତାସିଗୁଡା, ଦାରିଙ୍ଗବାଡି, ବିଶାଲପାଟାଣାକୁ ଯିବାକୁ ଥିବା ଓଏସଆରଟିସି ବସ ଚଳାଚଳ ବନ୍ଦ ରହିବ ବୋଲି ଓଏସଆରଟିସି ଟୁଇଟ କରିଛି ।