ବିନା ପୁରୁଷଙ୍କ ସହାୟତାରେ ହଜ୍ ଯାତ୍ରା କଲେ ୪ ହଜାର ମହିଳା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ମନ କି ବାତ କାର୍ଯ୍ୟକ୍ରମର ୧୩୦ତମ ଏପିସୋଡରେ ଦେଶବାସୀଙ୍କୁ ସମ୍ବୋଧିତ କରିଛନ୍ତି । ଏହା ମଧ୍ୟରେ ପ୍ରଧାନମନ୍ତ୍ରୀ ମୋଦି କହିଛନ୍ତି “ମତେ ବହୁ ସଂଖ୍ୟାରେ ଚିଠି ମିଳିଥିଲା, ଯେଉଁମାନେ ନିକଟରେ ହଜ ଯାତ୍ରା କରି ଆସିଛନ୍ତି । ଏହି ମହିଳାମାନେ ବିନା ମହରମ ହଜ ଯାତ୍ରା ସଂପୂର୍ଣ୍ଣ କରିଛନ୍ତି । ଏମାନଙ୍କ ସଂଖ୍ୟା ୫୦ କି ୧୦୦ ନୁହେଁ ୪ ହଜାର ରହିଛି ।

ଏହା ଏକ ବଡ଼ ପରିବର୍ତ୍ତନ । ପୂର୍ବରୁ ମୁସଲିମ ମହିଳାମାନଙ୍କୁ ପୁରୁଷଙ୍କ ବିନା ହଜ ଯାତ୍ରାରେ ଯିବାକୁ ଅନୁମତି ନଥିଲା । ସାଉଦି ଆରବରେ ବିନା ମହରମ ହଜ ଯାତ୍ରାରେ ଯାଉଥିବା ମହିଳାମାନଙ୍କୁ ସହଯୋଗ କରାଯାଇଥିଲା । ମୁଁ ସାଉଦି ଆରବ ସରକାରଙ୍କୁ ମଧ୍ୟ ଧନ୍ୟବାଦ ଦେବାକୁ ଚାହୁଁଛି ।”