ଲଗାଣ ବର୍ଷାରେ ଉପୁଡିଗଲା ବରଗଛ, ଯାତାୟତ ବନ୍ଦ

ବାଲିଗୁଡା (ବଡ଼ ଖବର ବ୍ୟୁରୋ): ଲଗାଣ ବର୍ଷାରେ ରାଜପଥ କଡ଼ରେ ଥିବା ବଡ଼ ବରଗଛ ପଡ଼ି ରାସ୍ତା ଅବରୋଧ । ଲଘୁଚାପ ଜନିତ ଲଗାଣ ବର୍ଷାରେ ରାଜପଥ କଡ଼ରେ ଥିବା ଗଛ ଉପୁଡ଼ି ପଡିବା ଫଳରେ ୫୯ ଜାତୀୟ ରାଜପଥ ରେ ଯାତାୟତ ବନ୍ଦ ରହିଛି । କନ୍ଧମାଳ ଜିଲ୍ଲା ମହାସିଂ ନିକଟରେ ଗଛ ଉପୁଡି ରାସ୍ତା ଅବରୋଧ ଯୋଗୁଁ ଉଭୟ ଦିଗରେ ଯାନବାହନ ଅଟକି ରହିଛି । ବାଲିଗୁଡାରୁ ଫୁଲବାଣୀ, ଦାରିଙ୍ଗବାଡି, ରାଇକିଆ ଆଦି ସ୍ଥାନକୁ ଗାଡି ଚଳାଚଳ ବନ୍ଦ ରହିଛି । ଖବର ପାଇ ଅଗ୍ନିସେବା ବାହିନୀ ପହଞ୍ଚି ଗଛ କାଟି ସଫା କରିବାରେ ଲାଗିଛନ୍ତି । ପ୍ରବଳ ବର୍ଷ ଯୋଗୁ ଗଛ କାଟିବା କାର୍ୟ୍ୟ ବାଧାପ୍ରାପ୍ତ ହେଉଥିବା ଜଣାପଡିଛି ।