ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଲୋକସଭାରେ ଅନାସ୍ଥା ପ୍ରସ୍ତାବକୁ ମଙ୍ଗଳବାର ହୋଇଥିଲା ଆଲୋଚନା । ବିଭିନ୍ନ ଦଳର ସାଂସଦ ଭାଷଣ ରଖିଥିଲେ । ମଣିପୁର ପ୍ରସଙ୍ଗକୁ ନେଇ ଗୃହରେ ହୋଇଥିଲା ହଙ୍ଗମା । ଏହି ସମୟରେ କେନ୍ଦ୍ର ମନ୍ତ୍ରୀ ନାରାୟଣ ରାଣେ ଲୋକସଭାରେ ଭାଷଣ ଦେବାବେଳେ ରାଗି ଯାଇଥିଲେ ଏବଂ ସାଂସଦ ଅରବିନ୍ଦ ସାୱନ୍ତଙ୍କୁ ଚୁପ ହୋଇ ବସ ବୋଲି କହିଥିଲେ । ଅନସ୍ଥା ପ୍ରସ୍ତାବ ଉପରେ ଆଲେଚନା ହେବା ବେଳ ନାରାୟଣ ରାଣେ ଅରବିନ୍ଦ ସାୱନ୍ତଙ୍କୁ କହିଥିଲେ, ଆରେ,ତୁମେ ବସ ।
"अरे बैठ, पीछे बैठ … औकात नहीं है उनकी… तुम्हारी औकात निकालूंगा…"
Modi जी के मंत्री Narayan Rane संसद में किसी गली के गुंडे की तरह धमकी दे रहे हैं
मोदी सरकार से केवल सवाल पूछने पर विपक्ष का MP तुरंत Suspend कर दिया जाता है
क्या अभद्र भाषा का प्रयोग करने के लिए BJP के… pic.twitter.com/h8BkToGiXh
— AAP (@AamAadmiParty) August 8, 2023
ଯେତେବେଳେ ଲୋକସଭା ଅଧ୍ୟକ୍ଷ ଏଥିରେ ହସ୍ତକ୍ଷେପ କରିଥିଲେ ମନ୍ତ୍ରୀ କହିଥିଲେ ଯେ ପ୍ରଧାନମନ୍ତ୍ରୀ ମୋଦି ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବିରୋଧରେ କଥା କହିବା ପାଇଁ ସାୱନ୍ତଙ୍କ ପାଖରେ ଔକାତ ନାହିଁ । ଯଦି କିଛି ତାଙ୍କ ବିଷୟର କହିବ ମୁଁ ତୁମକୁ ତୁମର ଔକାତ ଦେଖାଇଦେବି । ଲୋକସଭାରୁ ଏହି ଭିଡିଓ ଭାଇରାଲ୍ ହେବାପରେ ମନ୍ତ୍ରୀଙ୍କ ଉକ୍ତ ଟିପ୍ପଣୀକୁ କଡ଼ା ସମାଲୋଚନା କରାଯାଇଛି। ଆପ୍ କହିଛି, ପ୍ରଧାନମନ୍ତ୍ରୀଙ୍କର ଜଣେ ମନ୍ତ୍ରୀ ସଂସଦରେ ରାସ୍ତାର ଗୁଣ୍ଡା ଭଳି ଭାଷା ବ୍ୟବହାର କରିଛନ୍ତି, ଅନ୍ୟପକ୍ଷରେ ବିରୋଧୀ ସାଂସଦମାନେ ମୋଦୀ ସରକାରଙ୍କୁ ପ୍ରଶ୍ନ କରି ଗୃହରୁ ନିଲମ୍ବିତ ହେଉଛନ୍ତି। ଶିବସେନା (ୟୁବିଟି) ସାଂସଦ ଅରବିନ୍ଦ ସାୱନ୍ତ ଗତକାଲି ସଂସଦରେ ଅନାସ୍ଥା ପ୍ରସ୍ତାବ ଉପରେ ଆଲୋଚନା ସମୟରେ ମଣିପୁର ହିଂସା ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କ ଉପରେ ବର୍ଷିଥିଲେ। ଏହି କାରଣ ପାଇଁ ନାରାୟଣ ରାଣେ ସାୱନ୍ତଙ୍କୁ ତାଙ୍କ ଔକାତ କଥା କହିଥିଲେ।
