ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବର୍ତ୍ତମାନ ଚନ୍ଦ୍ରରେ ଚାଲୁଛି ଭାରତ । ଇତିହାସରେ ଅଗଷ୍ଟ ୨୩ ରେକର୍ଡ କରାଯାଇଛି । ଅଗଷ୍ଟ ୨୩କୁ ଜାତୀୟ ମହାକାଶ ଦିବସ ବା ସ୍ପେସ ଡ଼େ ଭାବେ ଘୋଷଣା କରାଯାଇଛି । ଏସବୁ ମଧ୍ୟରେ ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ମୁଖ୍ୟ ଏସ ସୋମନାଥ କହିଛନ୍ତି ଯେ ଭାରତରେ ଚନ୍ଦ୍ରର ସବୁଠୁ ଭଲ ଫଟୋ ରହିଛି ।
ଟାଇମ୍ସ ଅଫ୍ ଇଣ୍ଡିଆ ରିପୋର୍ଟ ଅନୁଯାୟୀ କେରଳର ଥିରୁବନନ୍ତପୁରମରେ ଗଣମାଧ୍ୟମକୁ ସୂଚନା ଦେଇ ସେ କହିଛନ୍ତି, “ଆମର ପ୍ରକୃତ ରେଗୋଲିଥ୍ର ନିକଟତମ ଫଟୋ ଅଛି। ସେଗୁଡ଼ିକ ଅତ୍ୟନ୍ତ ମୂଲ୍ୟବାନ ଏବଂ ଦୁନିଆରେ ଏହି ଫଟୋ କାହାରି ପାଖରେ ନାହିଁ । ସମସ୍ତେ ଏହି ଫଟୋ ନେବା ପାଇଁ ଆମ ପାଖକୁ ଆସିବେ । ଉଚିତ୍ ମୂଲ୍ୟାଙ୍କନ କରି ସେମାନଙ୍କୁ ଦିଆଯିବ ।
