ରିଲିଜ୍ ହେଲା ‘ଚନ୍ଦ୍ରମୁଖୀ ୨’ ଫାଷ୍ଟ ଟ୍ରେଲର

ମୁମ୍ବାଇ (ବଡ଼ ଖବର ବ୍ୟୁରୋ):ବଲିଉଡ କୁଇନ କଙ୍ଗନା ରଣାୱତ୍ ନିଜ ଫିଲ୍ମକୁ ନେଇ ଇଣ୍ଡଷ୍ଟ୍ରୀରେ ସବୁବେଳେ ଚର୍ଚ୍ଚାରେ ରୁହନ୍ତି । ଏବେ କଙ୍ଗନା ତାଙ୍କ ନୂଆ ହରର ଫିଲ୍ମ ‘ଚନ୍ଦ୍ରମୁଖୀ ୨’କୁ ନେଇ ଚର୍ଚ୍ଚାରେ ଅଛନ୍ତି ।ଫିଲ୍ମଟିରେ ରାଘବ ଲରେନ୍ସଙ୍କ ସହ ନଜର ଆସିବେ କଙ୍ଗନା । ଏହି ଫିଲ୍ମର ଅଫିସିଆଲ ଟ୍ରେଲର ଚେନ୍ନାଇରେ ବହୁ ଧୁମଧାମରେ ରିଲିଜ୍ ହୋଇଛି । ନିକଟରେ ଫିଲ୍ମର ପ୍ରଥମ ଗୀତ ସ୍ୱାଗତାଞ୍ଜଳୀ ରିଲିଜ ହୋଇଥିଲା । ପ୍ରଥମ ଭାଗ ପରି ଦ୍ୱିତୀୟ ଭାଗକୁ ମଧ୍ୟ ପି ବାସୁ ନିର୍ଦ୍ଦେଶନା ଦେଇଛନ୍ତି । ତେବେ ଫିଲ୍ମଟି ସେପ୍ଟେମ୍ବର ୧୯ ଗଣେଷ ପୂଜାରେ ରିଲିଜ ହେବ । ଚଳଚ୍ଚିତ୍ରଟି ତାମିଲ, ତେଲୁଗୁ, ହିନ୍ଦୀ, ମାଲାୟାଲମ୍ ଏବଂ କନ୍ନଡ଼ ଭାଷାରେ ସିନେମାହଲରେ ମୁକ୍ତି ଲାଭ କରିବ ।