ଏସିଆ କପ୍ ସୁପର ୪ ରାଉଣ୍ଡ, ଆଜି ମୁହାଁମୁହିଁ ହେବେ ଶ୍ରୀଲଙ୍କା-ପାକିସ୍ତାନ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଏସିଆ କପ୍ ସୁପର ୪ ରାଉଣ୍ଡ । ଆଜି ମୁହାଁମୁହିଁ ହେବେ ଶ୍ରୀଲଙ୍କା-ପାକିସ୍ତାନ । ଫାଇନାଲକୁ ଯିବ ବିଜୟୀ ଦଳ । ସେପଟେ ବର୍ଷା ବାଧକ ସାଜିପାରେ ବୋଲି କୁହାଯାଉଛି । ପୂର୍ବରୁ ପାକିସ୍ତାନକୁ ହରାଇ ଫାଇନାଲରେ ପ୍ରବେଶ କରିଛି ଟିମ ଇଣ୍ଡିଆ । ଆଜି ଯେଉଁ ଦଳ ମ୍ୟାଚ ଜିତିବ ସେହି ଦଳ ଭାରତ ସହିତ ଫାଇନାଲରେ ଖେଳିବ । ଭାରତ ୨ ମ୍ୟାଚ୍ରୁ ୨ ବିଜୟ ଓ ୪ ପଏଣ୍ଟ ସହ ଫାଇନାଲ୍ ପ୍ରବେଶକୁ ନିଶ୍ଚିତ କରିଛି । ଶ୍ରୀଲଙ୍କା ଘରୋଇ ପରିବେଶରେ ଭଲ ଖେଳୁଥିବାରୁ ପୂର୍ଣ୍ଣ ମ୍ୟାଚ୍ରେ ମଧ୍ୟ ପାକିସ୍ତାନକୁ ଟକ୍କର ଦେବାକୁ ପ୍ରସ୍ତୁତ ରହିଛି। ୱାନିନ୍ଦୁ ହସରଙ୍ଗା, ଦୁଷ୍ମନ୍ତ ଚାମିରା, ଲାହିରୁ କୁମାରାଙ୍କ ଭଳି ପ୍ରଥମ ପସନ୍ଦ ଖେଳାଳିଙ୍କ ବିନା ଅବତୀର୍ଣ୍ଣ ହୋଇଥିବା ଦଳକୁ ଦାସୁନ ସଣକା ଭଲ ସମ୍ଭାଳିଛନ୍ତି । ଦୁନିଥ ୱେଲାଲଗେ, ମଥିସା ପଥିରଣା, ମହେଶ ତୀକ୍ଷଣାଙ୍କ ଭଳି ଯୁବ ଖେଳାଳି ପ୍ରଭାବ ଛାଡ଼ିପାରିଛନ୍ତି । ପାକିସ୍ତାନର ବୋଲର ସାହିନ ସାହ ଆଫ୍ରିଦିଙ୍କୁ ମୁକାବିଲା କରିପାରିଲେ ଶ୍ରୀଲଙ୍କାର ବିଜୟ ସହଜ ହେବ ।