ରାଜ୍ୟରେ ସକ୍ରିୟ ଲଘୁଚାପ ବର୍ଷା, ୨୭ ଜିଲ୍ଲାକୁ ଆଲର୍ଟ

ଭୁବନେଶ୍ୱର(ବଡ଼ ଖବର ବ୍ୟୁରୋ); ବଙ୍ଗୋପସାଗରରେ ସକ୍ରିୟ ହୋଇଛି ଲଘୁଚାପ । ଉତ୍ତର ପଶ୍ଚିମ ବଙ୍ଗୋପସାଗର ଓ ଏହାର ପାଶ୍ୱବର୍ତ୍ତୀ ଅଞ୍ଚଳ ଏବଂ ଓଡିଶା ଉପକୂଳରେ ସକ୍ରିୟ ହୋଇଛି ଲଘୁଚାପ । ଫଳରେ ରାଜ୍ୟରେ ଲାଗି ରହିଛି ବର୍ଷା । ଏହା ପ୍ରଭାବରେ ଆଜି ଓ ଆସନ୍ତାକାଲି ଯାଏଁ ରାଜ୍ୟର ବିଭିନ୍ନ ସ୍ଥାନରେ ଲାଗି ରହିବ ଭୀଷଣ ବର୍ଷା । ଆଜି ପାଇଁ ୨୭ଟି ଜିଲ୍ଳାକୁ ପ୍ରବଳ ବର୍ଷା ନେଇ ଆଲର୍ଟ ଜାରି କରିଛି ପାଣିପାଗ ବିଭାଗ ।

ଝାରସୁଗୁଡା ,ସମ୍ବଲପୁର, ସୋନପୁର, କଟକ, ବୌଦ୍ଧ, ବଲାଙ୍ଗୀର, କଳାହାଣ୍ଡି, କନ୍ଧମାଳ, ଅନୁଗୁଳକୁ ପ୍ରବଳରୁ ଅତିପ୍ରବଳ ବର୍ଷା ନେଇ ଆଲର୍ଟ ଜାରି କରିଛି ପାଣିପାଗ ବିଭାଗ । ଆସନ୍ତାକାଲି ମଧ୍ୟ ରାଜ୍ୟରେ ତୁହାକୁ ତୁହା ବର୍ଷା ଲାଗି ରହିପାରେ । ଆଜି ଓ ଆସନ୍ତାକାଲି ବର୍ଷା ଯୋଗୁ ଫିକା ପଡିପାରେ ପଶ୍ଚିମ ଓଡିଶାର ନୂଆଖାଇ ଭେଟ୍‌ଘାଟ୍ । ଆସନ୍ତାକାଲି ପାଇଁ ପଶ୍ଚିମ ଓଡିଶାର ୮ ଟି ଜିଲ୍ଳାକୁ ସତର୍କା କରାଇଛି ପାଣିପାଗ ବିଭାଗ ।