![](https://i0.wp.com/badakhabar.in/wp-content/uploads/2020/10/sero-service1.jpg?fit=717%2C399&ssl=1)
ମାଲକାନଗିରି, (ବଡ଼ ଖବର ବ୍ୟୁରୋ): ଆସିଲା ମାଲକାନଗିରି ସହରର ସେରୋ ସର୍ଭେ ରିପୋର୍ଟ। ୫୦ ପ୍ରତିଶତ ଲୋକଙ୍କ ଭିତରେ ଆଣ୍ଟିବଡି ତିଆରି ହୋଇଥିବା ମାଲକାନଗିରି ଜିଲ୍ଲାପାଳ କହିଛନ୍ତି। ମାଲକାନଗିରି ପୌର ପରିଷଦର ମୋଟ ୧୬୧୩ ଜଣ ଲୋକଙ୍କ ରକ୍ତନମୁନା ସଂଗ୍ରହ କରାଯାଇଥିଲା।
ଏମାନଙ୍କ ମଧ୍ୟରେ ୧୦୧୮ ସାଧାରଣ ନାଗରିକ ହୋଇଥିବା ବେଳେ ୫୯୫ ଜଣ ଥିଲେ କରୋନା ଯୋଦ୍ଧା। ତେବେ ଆରଏମଆରସି ତରଫରୁ ଆଜି ରିପୋର୍ଟ ଆସିବା ପରେ ଜିଲ୍ଲାପାଳ ମନିଷ ଅଗ୍ରୱାଲ ଏହି ସୂଚନା ଦେଇଛନ୍ତି। କରୋନା ଭାଇରସଠାରୁ ବଞ୍ଚିବା ପାଇଁ ସାମାଜିକ ଦୂରତା ବଜାୟ ରଖିବା ଏବଂ ନିୟମିତ ମାସ୍କ ବ୍ୟବହାର କରିବା ପାଇଁ ଜିଲ୍ଲାପାଳ ମାଲକାନଗିରିବାସୀଙ୍କୁ ପରାମର୍ଶ ଦେଇଛନ୍ତି।