ନୀତୀଶ କୁମାର ସମ୍ପୂର୍ଣ୍ଣ ବିରୋଧୀ ମେଣ୍ଟ ‘ଇଣ୍ଡିଆ‘ ସହ ଅଛନ୍ତି: ଲଲନ ସିଂ

ବିହାର (ବଡ଼ ଖବର ବ୍ୟୁରୋ): ଜେଡିୟୁ ସଭାପତି ଲଲନ ସିଂଙ୍କ ମନ୍ତବ୍ୟ । ନୀତୀଶ କୁମାର ତାଙ୍କ ମତ ବଦଳାଉଛନ୍ତି ବୋଲି ଏକ ମିଥ୍ୟା ଭାବନା ସୃଷ୍ଟି କରିବା ପାଇଁ ବିଜେପି ଏକ ଅଭିଯାନ ଚଲାଇଥିବା ଅଭିଯୋଗ କରିଛନ୍ତି ଲଲନ । ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ସମ୍ପୂର୍ଣ୍ଣ ବିରୋଧୀ ମେଣ୍ଟ ‘ଇଣ୍ଡିଆ‘ ସହ ଅଛନ୍ତି । ସେ ସାତଜନ୍ମରେ ବି ବିଜେପି ସହ ମେଣ୍ଟ କରିବେ ନାହିଁ ।

ସେ ଆହୁରି ମଧ୍ୟ କହିଛନ୍ତି ଭାରତୀୟ ଜନତା ପାର୍ଟି ଦେଶର ଲୋକଙ୍କୁ ଦେଇଥିବା ପ୍ରତିଶ୍ରୁତି ପୂରଣ ହୋଇଛି କି ନାହିଁ ବୋଲି ସେ ପ୍ରଶ୍ନ କରିଛନ୍ତି। ଜନତା ଦଳ-ୟୁନାଇଟେଡ (ଜେଡିୟୁ) ନେତା ନୀତୀଶ କୁମାର ଏକ ବର୍ଷ ପୂର୍ବେ ବିଜେପି ସହ ସମ୍ପର୍କ ଭାଙ୍ଗି ବିହାରରେ ଏକ ନୂତନ ମହାଗଠବନ୍ଧନର ସରକାର ଗଠନ କରିଥିଲେ।