ଆଠଗଡ(ବଡ଼ ଖବର ବ୍ୟୁରୋ): ଆଠଗଡ ଅଞ୍ଚଳରେ ଏବେ ଚୋରା ଦେଶୀ ମଦ କାରବାରର ହବ ପାଲଟିଥିବା ବେଳେ ତାହାକୁ ଆଉ ପାଦେ ଆଗଇ ନେବା ପାଇଁ ଆଠଗଡ଼ ଅବକାରୀ ବିଭାଗର ନିରକ୍ଷକ କେଶବ ଚନ୍ଦ୍ର ଦାସଙ୍କ ପାର୍ଟନରସିପରେ ଚାଲିଛି ଖୁଣ୍ଟୁଣୀ ଥାନା ଅଧୀନରେ ଥିବା ବିଭିନ୍ନ ସଂରକ୍ଷିତ ଜଙ୍ଗଲରେ।
ଆଉ ଏଭଳି ସଙ୍ଗୀନ ଅଭିଯୋଗ ଆଣିଛନ୍ତି ରାଧାକୃଷ୍ଣପୁର ପଞ୍ଚାୟତ ଡାଳୁଆ ଏବଂ ସରସ୍ୱତୀ ପୁର ଗ୍ରାମର ଗ୍ରାମବାସୀମାନେ। ଗୋଟିଏ ପଟେ କଟକ ଅବକାରୀ ଅଧିକ୍ଷକ ଦେବାଶିଷ ପଟେଲ ଆଠଗଡ଼କୁ ଚୋରା ଦେଶୀମଦ କାରବାରକୁ ବନ୍ଦ କରିବା ପାଇଁ ପ୍ରାୟାସ କରୁଥିବା ବେଳେ ଆଠଗଡ଼ ଅବକାରୀ ନିରୀକ୍ଷକ ଦେଶୀମଦ ଚୋରା କାରବାରକୁ ପ୍ରୋତ୍ସାହନ ଦେଉଥିବା ଅଭିଯୋଗ କରି ଗ୍ରାମବାସୀମାନେ ଆଠଗଡ଼ ଡେପୁଟି ସୁପରିଟେଣ୍ଡଣ୍ଟ ପ୍ରମୋଦ କୁମାର ପଣ୍ଡାଙ୍କୁ ଏକ ଦାବିପତ୍ର ପ୍ରଦାନ କରିବା ସହିତ ଅବକାରୀ ନିରୀକ୍ଷକଙ୍କ ବଦଳି ଦାବୀ କରିଛନ୍ତି।
