ଅଜଣା ଗାଡି ଧକ୍କାରେ ସ୍କୁଟି ଚାଳକ ମୃତ

ବଡ଼ବିଲ(ବଡ଼ ଖବର ବ୍ୟୁରୋ):ଆଜି ସକାଳୁ ବଡ଼ବିଲ ଥାନା ଅନ୍ତର୍ଗତ ବିର୍ସା ମୁଣ୍ଡା ଚକ ନିକଟ ବଡବିଲ ସାଇଡିଂ ରାସ୍ତାରେ ଏକ ଅଜଣା ଗାଡି ଚାପି ଦେବାରୁ ଜଣେ ସ୍କୁଟି ଚାଳକଙ୍କ ମୃତ୍ୟୁ ଘଟିଥିବା ଜଣା ପଡିଛି। ମୃତକ ଜଣକ ବଡବିଲ ବସ୍ତି ଅଞ୍ଚଳର ଚନ୍ଦ୍ର ମୋହନ ମହନ୍ତ ।

ସୂଚନାନୁସାରେ ଆଜି ସକାଳୁ ସେ ସ୍କୁଟି ଯୋଗେ କଳିଙ୍ଗ ପ୍ଲାଣ୍ଟକୁ ଡ୍ୟୁଟି କରିବାକୁ ଯାଉଥିବା ବେଳେ ଏକ ଅଜଣା ଗାଡି ତାଙ୍କୁ ଧକ୍କା ଦେବା ସହ ମୁଣ୍ଡ ଉପରକୁ ଚକ ଚଢି ଯାଇଥିଲା। ଫଳରେ ଘଟଣା ସ୍ଥଳରେ ଚନ୍ଦ୍ରଙ୍କ ମୃତ୍ୟୁ ଘଟିଛି। ସୂଚନା ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଫେରାର ଗାଡି ସଂପର୍କରେ କୌଣସି ସୂଚନା ମିଳି ପାରିନାହିଁ।