ଭୁବନେଶ୍ୱର (ବଡ଼ ଖବର ବ୍ୟୁରୋ): ଅକ୍ଟୋବର ୨ । ମନେ ପଡ଼ନ୍ତି ବାପୁ । ଆଜି ଜାତିର ପିତା ମହାତ୍ମା ଗାନ୍ଧିଙ୍କ ଜୟନ୍ତୀ। ୧୮୬୯ ମସିହା ଆଜିର ଦିନରେ ଜାତିର ପିତା ଜନ୍ମଗ୍ରହଣ କରିଥିଲେ । ଅକ୍ଟୋବର ୨ କୁ ଗାନ୍ଧୀ ଜୟନ୍ତୀ ଭାବରେ ପାଳନ କରାଯାଏ। ଆଜି ଗାନ୍ଧିଙ୍କ ୧୫୪ତମ ଜୟନ୍ତୀ । ଜାତିର ପିତା ମହାତ୍ମା ଗାନ୍ଧୀ ୨ ଅକ୍ଟୋବର ୧୮୬୯ରେ ଗୁଜୁରାଟର ପୋରବନ୍ଦରରେ ଜନ୍ମଗ୍ରହଣ କରିଥିଲେ। ତାଙ୍କ ପ୍ରକୃତ ନାମ ମୋହନଦାସ କରମଚାନ୍ଦ ଗାନ୍ଧୀ। ସେ ଭାରତୀୟ ସ୍ୱାଧୀନତା ସଂଗ୍ରାମର ଜଣେ ମହାନ ନେତା ଥିଲେ, ଯିଏ ସ୍ୱାଧୀନତା ସଂଗ୍ରାମରେ ଭାରତୀୟମାନଙ୍କୁ ଏକତ୍ର କରି ଅହିଂସା ମାର୍ଗକୁ ନିଜ ବ୍ରତ ଭାବେ ଗ୍ରହଣ କରି ଦେଶ ପାଇଁ ସ୍ୱାଧୀନତା ହାସଲ କରିବାରେ ଏକ ପ୍ରମୁଖ ଭୂମିକା ନେଇଥିଲେ।
ଭାରତରେ ପ୍ରାଥମିକ ଶିକ୍ଷା ସମାପ୍ତ କରିବା ପରେ ସେ ଇଂଲଣ୍ଡ ଯାଇଥିଲେ କିନ୍ତୁ ପରେ ସ୍ୱଦେଶ ଫେରିଥିଲେ। ପରେ ଦକ୍ଷିଣ ଆଫ୍ରିକା ଭ୍ରମଣ କରି ସେଠାରେ ଅପ୍ରବାସୀ ଅଧିକାରୀଙ୍କ ସୁରକ୍ଷା ପାଇଁ ସତ୍ୟାଗ୍ରହ କରିଥିଲେ। ଗାନ୍ଧିଜୀ ସ୍ୱାଧୀନତା ପାଇଁ ଅନେକ ଆନ୍ଦୋଳନର ନେତୃତ୍ୱ ନେଇଥିଲେ। ଏଥିରେ ସତ୍ୟାଗ୍ରହ ଏବଂ ଖିଲାଫତ ଆନ୍ଦୋଳନ, ଲୁଣ ସତ୍ୟାଗ୍ରହ, ଦାଣ୍ଡି ଯାତ୍ରା ଇତ୍ୟାଦି ଅନ୍ତର୍ଭୁକ୍ତ। ଦେଶର ସ୍ୱାଧୀନତା ସଂଗ୍ରାମରେ ଗାନ୍ଧିଜୀ ଅହିଂସା ନୀତି ଗ୍ରହଣ କରିଥିଲେ। ହିନ୍ଦୁ ଏବଂ ମୁସଲମାନ ସମ୍ପ୍ରଦାୟ ମଧ୍ୟରେ ସମନ୍ୱୟ ଏବଂ ଏକତା ବୃଦ୍ଧି କରିବାକୁ ଚେଷ୍ଟା କରିଥିଲେ। ଭାରତକୁ ସ୍ୱାଧୀନତା ମିଳିବା ପରେ ଗାନ୍ଧିଜୀ ଭାରତୀୟ ସମାଜର ସାମାଜିକ ତଥା ଅର୍ଥନୈତିକ ସଂସ୍କାର ପାଇଁ କାର୍ଯ୍ୟ କରିଥିଲେ ଏବଂ ହିନ୍ଦୁ-ମୁସଲମାନ ଏକତାକୁ ପ୍ରୋତ୍ସାହିତ କରିଥିଲେ।
ସେ ସତ୍ୟ, ସଂଯମତା ଏବଂ ଅହିଂସା ପଥ ଅନୁସରଣ କରିବାକୁ ପ୍ରେରଣା ଦେଇଥିଲେ। ସୁଭାଷ ଚନ୍ଦ୍ର ବୋଷ ପ୍ରଥମେ ମହାତ୍ମା ଗାନ୍ଧୀଙ୍କୁ “ଜାତିର ପିତା” ବୋଲି କହିଥିଲେ। ଭାରତୀୟ ସ୍ୱାଧୀନତା ସଂଗ୍ରାମରେ ତାଙ୍କର ଉଲ୍ଲେଖନୀୟ ଅବଦାନ ଥିବାରୁ ସେ ଭାରତୀୟ ସ୍ୱାଧୀନତା ସଂଗ୍ରାମର ଜଣେ ପ୍ରମୁଖ ନେତା ଥିଲେ ବୋଲି ସୁଭାଷ ଚନ୍ଦ୍ର ବୋଷ ଗାନ୍ଧିଜୀଙ୍କୁ “ଜାତିର ପିତା” ବୋଲି କହି ସମ୍ମାନିତ କରିଥିଲେ। ସେବେଠାରୁ ଗାନ୍ଧିଜୀଙ୍କ ସମ୍ମାନାର୍ଥେ “ଜାତିର ପିତା” ଭାବେ ବ୍ୟବହୃତ ହୋଇଆସୁଛି। ସେପଟେ ଗାନ୍ଧିଙ୍କ ୧୫୪ତମ ଜୟନ୍ତୀ ଉପଲକ୍ଷେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ପ୍ରଧାନମନ୍ତ୍ରୀ ମୋଦିା କହିଛନ୍ତି ଗାନ୍ଧି ଦେଇଥିବା ଶିକ୍ଷା ଆମର ପଥକୁ ଆଲୋକିତ କରି ଆସୁଛି ।
