ଏମିତି ବି ଆସେ ମୃତ୍ୟୁ, ମର୍ଣ୍ଣିଂ ୱାର୍କ କଲାବେଳେ ମାଡିଗଲା ଅଜଣା ଗାଡ଼ି

ପାଲଲହଡ଼ା(ବଡ଼ ଖବର ବ୍ୟୁରୋ): ମର୍ଣ୍ଣିଂ ୱାର୍କ କରୁଥିବା ବେଳେ ଦୁଇ ଯୁବକଙ୍କୁ ମାଡିଗଲା ଅଜଣା ଗାଡ଼ି  ଘଟଣା ସ୍ଥଳରେ ଉଭୟେ ମୃତ୍ୟୁ। ଅନୁଗୋଳ ଜିଲ୍ଲା ପାଲଲହଡ଼ା ଥାନା ୪୯ ନମ୍ୱର୍ ଜାତୀୟ ରାଜପଥ ମୁକ୍ତାପୁର ଗ୍ରାମ ନିକଟରେ ଏକ ଅଜଣା ଗାଡି ଧକ୍କା ରେ ଦୁଇ ଯୁବକ ଙ୍କ ମୃତ୍ୟ ହୋଇଛି । ପ୍ରତିଦିନ ପରି ଜାତୀୟ ରାଜପଥ କଡ ରେ ମର୍ନିଙ୍ଗ ୱାର୍କ କରୁଥିବା ବେଳେ ଦୁହିଁଙ୍କୁ କୌଣସି ଅଜଣା ଗାଡି ଧକ୍କା ଦେଇଥିବା ଫଳରେ ଘଟଣାସ୍ଥଳ ରେ ହିଁ ଦୁହିଁଙ୍କ ର ମୃତ୍ୟୁ ହୋଇଛି।

ମୃତ ଦୁଇ ଯୁବକ ହେଲେ ମୁକ୍ତାପୁର ଗ୍ରାମର ମାଧବ ସାମାଡ଼ ଓ ଅନ୍ୟ ଜଣେ ସୁସବ ଗ୍ରାମର ରାଜେଶ ଶୁଣ୍ଢୀ ବୋଲି ଜଣା ପଡିଛି। ପାଲଲହଡ଼ା ପୋଲିସ ଘଟଣା ସ୍ଥଳରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ପାଲଲହଡ଼ା ମୁଖ୍ୟ ଚିକିତ୍ସାଳୟକୁ ପଠାଇ ଦୁର୍ଘଟଣା ଘଟାଇଥିବା ଗାଡ଼ିକୁ ଧରିବା ପାଇଁ ଛାନଭିନ ଆରମ୍ଭ କରିଛି ।