ଗାଜାବାସୀଙ୍କୁ ଭାରତ ସାହାଯ୍ୟ କରିବା ଉଚିତ: ଅସଦୁଦ୍ଦିନ ଓୱାଇସି
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଗାଜା ଉପରେ ଇସ୍ରାଏଲର ଆକ୍ରମଣ ପରେ ଗାଜାରେ ଏପର୍ଯ୍ୟନ୍ତ ୨୨୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଛି। ଇସ୍ରାଏଲ୍ ହାମାସକୁ ଧମକ ଦେଇଛି ଏବଂ କହିଛି ଯେ ଯଦି ବନ୍ଧକମାନଙ୍କୁ ମୁକ୍ତ ନକରନ୍ତି, ତେବେ ଗାଜା ଅଞ୍ଚଳକୁ ବିଦ୍ୟୁତ୍, ଜଳ ଏବଂ ଖାଦ୍ୟ ସାମଗ୍ରୀ ଯୋଗାଇ ଦିଆଯିବ ନାହିଁ। ବର୍ତ୍ତମାନ ସାଂସଦ ତଥା ଏଆଇଏମ୍ଆଇଏମ୍ ମୁଖ୍ୟ ଅସଦୁଦ୍ଦିନ ଓୱାଇସି ଗାଜାବାସୀଙ୍କୁ ସହାୟତା ପ୍ରଦାନ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନିବେଦନ କରିଛନ୍ତି।
Hum Zinda Qaum hain, jab tak hum zinda hain to duniya'n zinda haipic.twitter.com/pM6ypgVKTy
— Asaduddin Owaisi (@asadowaisi) October 14, 2023
ହାଇଦ୍ରାବାଦରେ ଏକ ସାଧାରଣ ସଭାରେ ସମ୍ବୋଧିତ କରି ଆସାଦୁଦ୍ଦିନ ଓୱାଇସି ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କୁ ଶୟତାନ ଏବଂ ଯୁଦ୍ଧ ଅପରାଧୀ ବୋଲି କହିଛନ୍ତି। ଓୱାଇସି ଆହୁରି କହିଛନ୍ତି ଯେ ମୁଁ ଗାଜା ଲୋକଙ୍କ ସହ ଏକତା ପ୍ରଦର୍ଶନ କରିବାକୁ ପ୍ରଧାନମନ୍ତ୍ରୀ ମୋଦିଙ୍କୁ ନିବେଦନ କରୁଛି। ସେ କହିଛନ୍ତି ଯେ ଗାଜାବାସୀଙ୍କୁ ଭାରତ ସାହାଯ୍ୟ କରିବା ଉଚିତ । ଅସଦୁଦ୍ଦିନ ଓୱାଇସି ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲ ‘ଏକ୍ସ’ରେ ଏକ ଭିଡିଓ ସେୟାର କରି ଲେଖିଛନ୍ତି ଯେ ଆମେ ଜୀବିତ ଥିବା ପର୍ଯ୍ୟନ୍ତ ଦୁନିଆ ଜୀବିତ ଅଛି।