ଭୁବନେଶ୍ୱର (ବଡ଼ ଖବର ବ୍ୟୁରୋ):ଏଯାଏଁ ମନରୁ ଲିଭିନି କାଳର ସେ କରାଳ ରାତି । ଆଖି ବନ୍ଦ କଲେ ଦିଶୁଛି ସେଇ ଯନ୍ତ୍ରଣାରେ ଛଟପଟ ହୋଇ ଚିକ୍ରାର କରୁଥିବା ଲୋକଙ୍କ ସ୍ୱର । କିନ୍ତଉ ପୁଣି ହୋଇଛି ଏହାର ପୁନରାବୃତ୍ତି । ବାହାନଗା ଟ୍ରେନ ଟ୍ରାଜେଡିର ଦୁଃଖ ମନରୁ ଲିଭି ନଥିବା ବେଳେ ପୁଣି ଓଡିଶା ସୀମାରେ ଏକ ମର୍ମନ୍ତୁଦ ଟ୍ରେନ ଦୁର୍ଘଟଣା ଘଟିଛି । ଓଡ଼ିଶା-ଆନ୍ଧ୍ର ସୀମାନ୍ତବର୍ତୀ ଜିଲ୍ଲା ବିଜୟନଗରମ୍ ଜିଲ୍ଲା କାଣ୍ଟାକାପାଲ୍ଲୀ ଓ ଆଲମଣ୍ଡା ଷ୍ଟ୍ରେସନ ମଧ୍ୟରେ ମର୍ମନ୍ତୁଦ ରେଳ ଦୁର୍ଘଟଣା ଘଟିଛି । ଏପର୍ଯ୍ୟନ୍ତ ବେସରକାରୀ ଭାବେ ଟ୍ରେନ ଦୁର୍ଘଟଣାରେ ବର୍ତମାନ ସୁଦ୍ଧା ୧୩ ଜଣଙ୍କ ମୃତ୍ୟୁ ଓ ୫୦ରୁ ଅଧିକ ଯାତ୍ରୀ ଆହତ ହୋଇଥିବା ସୂଚନା ମିଳୁଛି ।
ଆହତ ଯାତ୍ରାଙ୍କ ମଧ୍ୟରେ ୮ ଜଣଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି । ଆଗକୁ ମୃତାହତଙ୍କ ସଂଖ୍ୟା ବଢ଼ିବା ଆଶଙ୍କା ରହିଛି । ଏହାକୁ ଆଖି ଆଗରେ ରଖି ୧୦ଟି ଟ୍ରେନକୁ ବାତିଲ କରିଦିଆଯାଇଛି । ୩ଟି ଟ୍ରେନକୁ ଆଂଶିକ ବାତିଲ ଓ ୧୦ଟି ଟ୍ରେନର ଗତିପଥ ପରିବର୍ତନ କରାଯାଇଛି । ପଲାସା- ବିଶାଖପାଟଣା ସ୍ପେଶିଆଲ ଟ୍ରେନ, ବିଶାଖାପାଟନମ କୋବ୍ରା ଏକ୍ସପ୍ରେସ, ପଲାସା –ବିଶାଖପାଟନମ ସ୍ପେଶିଆଲ ଟ୍ରେନ, ବିଶାଖପାଟନମ-ପାରାଦୀପ ଏକ୍ସପ୍ରେସ, ପାରାଦୀପ ବିଶାଖପାଟନମ ଏକ୍ସପ୍ରେସ ବାତିଲ କରାଯାଇଛି ।ଆନ୍ଧ୍ରପ୍ରଦେଶର କାଣ୍ଟକାପାଲ୍ଲୀ ଓ ଆଲମଣ୍ଡା ଷ୍ଟେସନ ମଧ୍ୟରେ ରେଳ ଦୁର୍ଘଟଣା ପରେ ୧୦ଟି ଟ୍ରେନକୁ ବାତିଲ କରିଦିଆଯାଇଛି ।
ସେହିପରି ୩ଟି ଟ୍ରେନକୁ ଆଂଶିକ ବାତିଲ ଓ ୧୦ଟି ଟ୍ରେନର ଗତିପଥ ପରିବର୍ତନ କରାଯାଇଛି । ପଲାସା- ବିଶାଖପାଟଣା ସ୍ପେଶିଆଲ ଟ୍ରେନ, ବିଶାଖାପାଟନମ କୋବ୍ରା ଏକ୍ସପ୍ରେସ, ପଲାସା –ବିଶାଖପାଟନମ ସ୍ପେଶିଆଲ ଟ୍ରେନ, ବିଶାଖପାଟନମ-ପାରାଦୀପ ଏକ୍ସପ୍ରେସ, ପାରାଦୀପ ବିଶାଖପାଟନମ ଏକ୍ସପ୍ରେସ ବାତିଲ କରାଯାଇଛି । ଶନିବାର ସଂଧ୍ୟା ୭ଟା ସମୟରେ ଆନ୍ଧ୍ରପ୍ରଦେଶର ଆଲମଣ୍ଡା ଓ କାଣ୍ଟାକାପାଲ୍ଲୀ ରେଳ ଷ୍ଟେସନ ମଧ୍ୟରେ ଯାନ୍ତ୍ରିକ ତ୍ରୁଟି ଯୋଗୁଁ ଅଟକି ରହିଥିଲା ପଲାସା-ବିଶାଖାପାଟଣା ପାସେଞ୍ଜର ଟ୍ରେନ୍ । ଠିକ୍ ଏହି ସମୟରେ ବିଶାଖାପାଟଣା-ରାୟଗଡ଼ା ପାସେଞ୍ଜର ଟ୍ରେନ ପଛ ପଟୁ ଧକ୍କା ଦେବାରୁ ଦୁର୍ଘଟଣା ଘଟିଛି ।
