ଆନ୍ଧ୍ରପ୍ରଦେଶ (ବଡ଼ ଖବର ବ୍ୟୁରୋ): ନାଇଡୁଙ୍କୁ ଆଶ୍ୱସ୍ଥି । ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କୁ ମିଳିଲା ଜାମିନ । ୪ ସପ୍ତାହ ପାଇଁ ଅନ୍ତରୀଣ ଜାମିନ ଦେଲେ ଆନ୍ଧ୍ର ହାଇକୋର୍ଟ । ଦକ୍ଷତା ବିକାଶ ମାମଲାରେ ଜାମିନ ଦେଲେ ଆନ୍ଧ୍ରପ୍ରଦେଶର ଉଚ୍ଚ ନ୍ୟାୟାଳୟ । ନଭେମ୍ବର ୨୪ ପର୍ୟ୍ୟନ୍ତ ଚନ୍ଦ୍ରବାବୁ ନାଇଡୁଙ୍କୁ କୋର୍ଟ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି। କୋର୍ଟ ଦେଇଥିବା ଜାମିନ ଆଦେଶରେ ନାଇଡୁଙ୍କୁ ଚାରି ସପ୍ତାହ ପରେ (ନଭେମ୍ବର ୨୪) ଆତ୍ମସମର୍ପଣ କରିବାକୁ ନିର୍ଦ୍ଦେଶ ଦିଆଯାଇଛି। ନଭେମ୍ବର ୧୦ ରେ ଏହି ମାମଲାର ମୁଖ୍ୟ ଜାମିନ ଆବେଦନ ଉପରେ କୋର୍ଟ ଶୁଣାଣି କରିବେ। ନାଇଡୁ କେବଳ ଡାକ୍ତରୀ ପରୀକ୍ଷା ପାଇଁ ଡାକ୍ତରଖାନା ଯାଇପାରିବେ ବୋଲି ମଧ୍ୟ ନିର୍ଦ୍ଦେଶ ରହିଛି। ଏହା ବ୍ୟତୀତ ସେମାନଙ୍କୁ ଅନ୍ୟ କୌଣସି କାର୍ୟ୍ୟକ୍ରମରେ ଯୋଗଦେବାକୁ ଅନୁମତି ଦିଆଯିବ ନାହିଁ । ଗଣମାଧ୍ୟମ ତଥା ରାଜନୈତିକ କାର୍ୟ୍ୟ କଳାପରେ ଭାଗ ନ ନେବାକୁ ଚନ୍ଦ୍ରବାବୁ ନାଇଡୁଙ୍କୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି।
