ଜଳିଗଲା ଚଳନ୍ତା ବସ୍, କେନ୍ଦ୍ରାପଡ଼ାର ଜଣେ ମହିଳା ମୃତ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଜଳିଗଲା ଚଳନ୍ତା ବସ୍ । କୋଲକାତାରୁ ଓଡ଼ିଶା ଆସୁଥିବା ବେଳେ ହଠାତ୍ ଲାଗିଥିଲା ନିଆଁ । କେନ୍ଦ୍ରାପଡ଼ାର ଜଣେ ମହିଳା ମୃତ ହୋଇଥିବା ବେଳେ ଅନେକ ଆହତ ହୋଇଛନ୍ତି । ବସରେ ଥିଲେ ମୋଟ ୩୮ ଯାତ୍ରୀ, ଓଡ଼ିଶାରୁ ୨୫ ଜଣ ଯାତ୍ରୀ ଥିଲେ । ଗତକାଲି ରାତିରେ କୋଲକତାରୁ ଓଡିଶା ଆସୁଥିବା ଏକ ବସରେ ଖଡଗପୁରଠାରେ ନିଆଁ ଲାଗି ଯାଇଥିଲା । ଏହି ଅଗ୍ନିକାଣ୍ଡରେ କେନ୍ଦ୍ରାପଡାର ଜଣେ ମହିଳାଙ୍କର ମୃତ୍ୟୁ ହୋଇଛି । ମହିଳା ଜଣଙ୍କର ନାମ ପୁଷ୍ପଞ୍ଜଳି ଓ ସେ ପରିବାର ସହ ଘରକୁ ଫେରୁଥିଲେ । ସେପଟେ ଏହି ଅଗ୍ନିକାଣ୍ଡରେ ୩୦ ଜଣରୁ ଅଧିକ ଲୋକ ଗୁରୁତର ହୋଇଛନ୍ତି । ସେମାନଙ୍କୁ ମେଦିନୀପୁର ମେଡିକାଲ କଲେଜରେ ଭର୍ତ୍ତି କରାଯାଇଛି । ବସରେ ଓଡିଶାର ୨୫ ଜଣ ଯାତ୍ରୀ ରହିଥିଲେ । କେନ୍ଦ୍ରାପଡା ଜିଲ୍ଲାରୁ ୧୬ ଜଣ, ପାରାଦୀରୁ ୨ ଜଣ ଓ ଯାଜପୁର ଜିଲ୍ଲାର ୭ ଜଣ ଯାତ୍ରୀ ସେହି ବସରେ ଥିଲେ ।