ଏଥର ଦୀପାବଳି ଚନ୍ଦ୍ରଙ୍କ ଜୀବନରେ ଆଣିଦେଲା ଅନ୍ଧାର
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପରଲୋକରେ ଦକ୍ଷିଣ ଭାରତୀୟ ସିନେମାର ଲୋକପ୍ରିୟ ଅଭିନେତା ତଥା କମେଡିଆନ୍ ମଲ୍ଲମପଲ୍ଲୀ ଚନ୍ଦ୍ର ମୋହନ। ତାଙ୍କର ମୃତୁ୍ୟ ପରେ ଦକ୍ଷିଣ ଭାରତୀୟ ସିନେମାଜଗତରେ ଶୋକର ଛାୟା ଖେଳିଯାଇଛି । ମୃତ୍ୟୁ ବେଳକୁ ତାଙ୍କୁ ୮୨ ବର୍ଷ ହୋଇଥିଲା। ଚନ୍ଦ୍ର ମୋହନ ଦୀର୍ଘଦିନ ଧରି ହୃଦ୍ରୋଗରେ ପୀଡ଼ିତ ହୋଇ ଡାକ୍ତରଖାନାରେ ଚିକିତ୍ସିତ ହେଉଥିଲେ। ମଲ୍ଲମପଲ୍ଲୀ ଚନ୍ଦ୍ର ମୋହନ ଦକ୍ଷିଣ ଭାରତୀୟ ସିନେମାରେ ବେଶ ନାଁ କମାଇଥିଲେ।
୧୯୬୬ରେ ସେ ଅଭିନୟ ଜୀବନ ଆରମ୍ଭ କରିଥିଲେ। ଏହାପରେ ସେ ତାଙ୍କ କ୍ୟାରିୟରରେ ଗୋଟିଏରୁ ବଳି ଆରେକ ଫିଲ୍ମ ଭେଟି ଦେଇଥିଲେ। ଏଥିଲାଗି ସେ ରାଷ୍ଟ୍ରୀୟ ପୁରସ୍କାର ମଧ୍ୟ ପାଇଥିଲେ। ଏସ.ପି. ବାଲସୁବ୍ରମଣ୍ୟ ଏବଂ କେ. ବିଶ୍ୱନାଥଙ୍କ ସମ୍ପର୍କୀୟ ଭାଇ ଚନ୍ଦ୍ର ମୋହନ ୧୯୮୨ରେ ଚଳଚିତ୍ର ରଙ୍ଗୁଲା ରତ୍ନମ୍ ଜରିଆରେ ଅଭିନୟ ଜଗତରେ ପାଦ ଥାପିଥିଲେ । ସେ ବହୁତ ତେଲୁଗ ଫିଲ୍ମ ଏବଂ ତାମିଲ ଚଳଚ୍ଚିତ୍ରରେ ପ୍ରମୁଖ ଭୂମିକାରେ ଅଭିନୟ କରିଥିଲେ ।