https://youtu.be/OKdZEThcvug
ପାଲଲହଡ଼ା (ବଡ଼ ଖବର ବ୍ୟୁରୋ):୧୧ଦିନରେ ବୁଡ଼ି ବିସ୍ଥାପିତଙ୍କ ଜଳ ସତ୍ୟାଗ୍ରହ । ଅନୁଗୋଳ ଜିଲ୍ଲା ପାଲଲହଡ଼ା ଠାରେ ଥିବା ଦ୍ୱିତୀୟ ଚିଲିକାରେ ରେଙ୍ଗାଳି ବୁଡ଼ି ବିସ୍ଥାପିତ ମାନେ ନିଜର ସାତ ଦଫା ଦାବି ନେଇ ଗତ ୧ ତାରିଖ ଠାରୁ ଜଳ ସତ୍ୟାଗ୍ରହ ଆରମ୍ଭ କରିଥିଲେ । ଆଜକୁ ଏଗାର ଦିନ ବିତି ଯାଇଥିଲେ ମଧ୍ୟ ସରକାର କିମ୍ବା ପ୍ରଶାସନ କୌଣସି ସମସ୍ୟା ଭିତ୍ତିକ ଆଲୋଚନା ହୋଇନାହିଁ । ଏହା ସହିତ ଦୀର୍ଘ ଏଗାର ଦିନ ଧରି ଜଳ ଭିତରେ ରହି ସମସ୍ତଙ୍କ ଶରୀର ଧିରେ ଧିରେ ଅସୁସ୍ଥ ହେବାରେ ଲାଗିଛି । ଯଦି ଆଗାମୀ ଦୁଇଦିନ ମଧ୍ୟରେ ସରକାର କୌଣସି ନିଷ୍ପତି ନନିଅନ୍ତି ତାହାଲେ ୧୩ ତାରିଖ ଦିନ ସମସ୍ତେ ଜଳ ଭିତରେ ଜଳ ସମାଧି ନେବେ ବୋଲି ସଂଘର ସଭାପତି ସନ୍ତୋଷ କୁମାର ଦେହୁରୀ ପ୍ରକାଶ କରିଛନ୍ତି । ଏନେଇ ରାଜ୍ୟପାଳ ତଥା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଜଣାଯାଇଛି ବୋଲି ବିଜେପି କାର୍ୟ୍ୟକାରିଣୀ ସଦସ୍ୟ ଅଶୋକ ମହାନ୍ତି, ଜିଲ୍ଲା ଉପସଭାପତି ଲିଙ୍ଗରାଜ ଦାସ କହିଛନ୍ତି।
