ଡ୍ରଗ୍ସ ଦେଇ ନେଲେ ଜୀବନ

ଦଶରଥପୁର (ବଡ଼ ଖବର ବ୍ୟୁରୋ): ଡ୍ରଗ୍ସ ଦେଇ ନେଲେ ଜୀବନ । ଘରୁ ଡ଼ାକିନେଇ ଡ୍ରଗ୍ସ ଖୁଆଇ ହତ୍ୟା କରାଯାଇଥିବା ଅଭିଯୋଗ କଲେ ମୃତକଙ୍କ ପରିବାର । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ମଙ୍ଗଳପୁର ଥାନା ପାଲଟପୁର ଗ୍ରାମରେ । ମୃତକ ହେଲେ ଗିରିଶ ବିହାରୀ ନାୟକଙ୍କ ପୁଅ ଶ୍ରବଣ କୁମାର ନାୟକ । ଆଜି ସକାଳେ ଚେତା ଶୂନ୍ୟ ଅବସ୍ଥାରେ ଘରେ ପଡିଥିଲେ ଶ୍ରବଣ । ଶ୍ରବଣଙ୍କୁ ପରିବାର ଲୋକେ ମଙ୍ଗଳପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।ରବିବାର ଶ୍ରବଣଙ୍କ ସାଙ୍ଗ ତାଙ୍କୁ ଘରୁ ଡ଼ାକିନେଇ ଅଧିକ ମାତ୍ରାରେ ଡ୍ରଗ୍ସ ଖୁଆଇଥିବାରୁ ତାଙ୍କର ମୃତ୍ୟ ହୋଇଥିବା ପରିବାର ପକ୍ଷରୁ ମଙ୍ଗଳପୁର ଥାନାରେ ଲିଖିତ ଅଭିଯୋଗ ହୋଇଛି । ଘଟଣାସ୍ଥଳରେ ମଙ୍ଗଳପୁର ପୋଲିସ ପହଁଚି ଅଧିକ ତଦନ୍ତ ଜାରି ରଖିଛି ।