ଲାଞ୍ଚ ନେଇ ଫସିଲେ କନିଷ୍ଠ ଯନ୍ତ୍ରୀ

ବାରିପଦା (ବଡ଼ ଖବର ବ୍ୟୁରୋ):ଲାଞ୍ଚ ନେବା ପଡିଲା ମହଙ୍ଗା । ସର୍ବସାଧାରଣକୁ ଆସିଲା ଲାଞ୍ଚ ନେବାର ଦୃଶ୍ୟ । ଏଭଳି ଘଟଣା ଦେଖିବାକୁ ମିଳିଛି ମୟୂରଭଂଜ ଜିଲ୍ଲା ମୋରାଡ଼ା ବ୍ଲକରେ । ଦୁର୍ନିତିର ଗନ୍ତାଘର ପାଲଟିଛି ମୟୂରଭଂଜ ଜିଲ୍ଲା । ମୋରାଡ଼ା ବ୍ଲକର କନିଷ୍ଠ ଯନ୍ତ୍ରୀ ଅଶୋକ କୁମାର ମାଝୀ ଖୁଲମଖୁଲା ଲାଞ୍ଚ ନେଉଥିବାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଅଶୋକ ଜଣେ ଠିକାଦାରଙ୍କ ଏକ କାର୍ୟ୍ୟର ବିଲ ପାସ କରିବା ପାଇଁ ଲାଞ୍ଚ ନେଉଥିବା ଦୃଶ୍ୟ କଏଦ ହୋଇଛି ।

ଯାହାକୁ ନେଇ ଅଞ୍ଚଳରେ ଏକ ଚାଞ୍ଚଲ୍ୟ ସୃଷ୍ଟି ହୋଇଛି। ତେବେ ଏ ଘଟଣା ବାବଦରେ କନିଷ୍ଠ ଯନ୍ତ୍ରୀଙ୍କୁ ପଚାରିବାରୁ ସେ ଲାଞ୍ଚ ନେଇ ନଥିବା କହିଛନ୍ତି। ଏହି ଘଟଣାର ସତ୍ୟାସତ୍ୟ ଜାଣିବା ପାଇଁ ବିଡିଓଙ୍କ ସହିତ ଯୋଗାଯୋଗ କରିଥିଲେ ମଧ୍ୟ ମରୋଡା ବିଡ଼ିଓଙ୍କ ସହିତ ଭେଟ ହୋଇପାରି ନଥିଲା । ଫୋନ ଯୋଗେ ଏହି ଘଟଣାର ତଦନ୍ତକରି ଯଥାଶୀଘ୍ର କାର୍ୟ୍ୟନୁଷ୍ଠନ ଗ୍ରହଣ କରାଯିବ ବୋଲି କହିଛନ୍ତି ବିଡ଼ିଓ।