https://youtu.be/iWk44dPLG9A
ମଧ୍ୟପ୍ରଦେଶ (ବଡ଼ ଖବର ବ୍ୟୁରୋ): ଭାରତୀୟ ଜନତା ପାର୍ଟି ବିଜେପିରେ ଶିବରାଜ ସିଂ ଚୌହାନଙ୍କ ଭବିଷ୍ୟତ କ’ଣ ହେବ ତାହା କେବଳ ସମୟ କହିବ। ଏହି ସମୟରେ ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ଟ୍ରାକ୍ଟର ଚଳାଉଥିବାର ନଜର ଆସିଛନ୍ତି। କିଛି ଦିନର ବ୍ୟସ୍ତତା ପରେ ଶିବରାଜ ଗରୁବାର ନିଜ ଗାଁରେ ପହଞ୍ଚିଛନ୍ତି । ତେବେ ଏଠାରେ ଶିବରାଜଙ୍କୁ ଏକ ଭିନ୍ନ ଅନ୍ଦାଜରେ ଦେଖିବାକୁ ମିଳିଛି ।
ସେ ଜମିରେ ଟ୍ରାକ୍ଟର ଚଲାଉଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ଜୋରଦାର ଭାଇରାଲ୍ ହେବାରେ ଲାଗିଛି । ଶିବରାଜ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ନିଜର ଏହି ଭିଡିଓ ସେୟାର କରିଛନ୍ତି ଓ କ୍ୟାପସନରେ ଲେଖିଛନ୍ତି, ମଧ୍ୟପ୍ରଦେଶ ମାଟି ସୁନା ଫଳାଇଥାଏ । ଏହା ସହିତ ମାଟି ମା’କୁ ପ୍ରଣିପାତ କରିଛନ୍ତି । ଶିବରାଜ ଆଜି ବିଦିଶା ଜିଲ୍ଲା ସ୍ଥିତ ନିଜ ଗାଁରେ ପହଞ୍ଚିଛନ୍ତି । ସେ ସମସ୍ତ କୃଷକ ଭାଇଙ୍କୁ ସାକ୍ଷାତ କରିବା ସହ ସେମାନଙ୍କ ସହ ବିଭିନ୍ନ ସମସ୍ୟା ନେଇ ଆଲୋଚନା କରିଛନ୍ତି ।
