ଆଜି ଗିରଫ ହୋଇପାରନ୍ତି କେଜ୍ରିୱାଲ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି ଗିରଫ ହୋଇପାରନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଏନେଇ ଟ୍ୱିଟ୍ କରି ଆଶଙ୍କା ପ୍ରକାଶ କରିଛନ୍ତି ଆପ୍ ମନ୍ତ୍ରୀ ଅତିଶୀ ଓ ଆପ୍ ନେତା ସୌରଭ ଭରଦ୍ୱାଜ । ସେ ସୋସିଆଲ ମିଡିଆ ଏକ୍ସରେ ଏନେଇ ପୋଷ୍ଟ କରିଛନ୍ତି । ସେ କହଛନ୍ତି ଆଜି ସକାଳେ କେଜ୍ରିୱାଲଙ୍କ ଘରକୁ ଇଡି ଯାଇପାରେ । ସେହିଭଳି ସୌରଭ ଭରଦ୍ୱାଜ ଲେଖିଛନ୍ତି ଆଜି ସକାଳେ ଇଡ଼ି କେଜ୍ରିୱାଲଙ୍କୁ ଗିରଫ କରିପାରେ ବୋଲି ଆଶଙ୍କା ପ୍ରକାଶ କରିଛନ୍ତି । ଦିଲ୍ଲୀ ମଦ ନୀତି ସ୍କାମ ମାମଲାରେ ତାଙ୍କୁ ତିନି ଥର ସମନ କରାଯାଇଛି ।

ତେବେ କେଜ୍ରିୱାଲ ହାଜର ହୋଇନଥିଲେ। ତାଙ୍କ ତରଫରୁ ଇଡିଙ୍କୁ କୁହାଯାଇଥିଲା ଯେ ସେ ରାଜ୍ୟସଭା ନିର୍ବାଚନ ଏବଂ ଗଣତନ୍ତ୍ର ଦିବସ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ଆପଣ ତାଙ୍କୁ ଯାହା ପଚାରିବାକୁ ଚାହାଁନ୍ତି, ଦୟାକରି ଏହାକୁ ଲିଖିତ ଆକାରରେ ପଠାନ୍ତୁ । ଏହାପୂର୍ବରୁ, ଇଡି ତାଙ୍କୁ ୨ ନଭେମ୍ବର ଏବଂ ୨୧ ଡିସେମ୍ବରରେ ହାଜର ହେବାକୁ କହିଥିଲେ। କେଜ୍ରିୱାଲ ଏହି ଉଭୟ ଡାକରାକୁ ବେଆଇନ ତଥା ରାଜନୈତିକ ଉଦ୍ଦେଶ୍ୟ ବୋଲି କହିଥିଲେ । ଇଡିରେ ହାଜର ହେବାକୁ ମନା କରିଦେଇଥିଲେ।