ବେଆଇନ ଲିଙ୍ଗ ନିରୂପଣ ମାମଲାରେ ଗିରଫ ହେଲେ ଡାକ୍ତର

କଟକ (ବଡ଼ ଖବର ବ୍ୟୁରୋ): ବେଆଇନ ଲିଙ୍ଗ ନିରୂପଣ ପଡ଼ିଲା ମହଙ୍ଗା । ଗିରଫ ହେଲେ ଡାକ୍ତର ସହ ୩ ଦଲାଲ । ଗିରଫ କରିଛି ମଙ୍ଗଳବାଗ ପୋଲିସ । ବେଆଇନ ଲିଙ୍ଗ ନିରୂପଣ କରିବା ମାମଲାରେ ଡାକ୍ତର ପୁଣ୍ୟଶ୍ଲୋକ ଦାଶ ତାଙ୍କ ପତ୍ନୀ ବିସ୍ମିତା ଦାଶ ଏବଂ ୩ ଜଣ ଦଲାଲଙ୍କୁ ଗିରଫ କରିଛି କଟକ ମଙ୍ଗଳବାଗ ପୋଲିସ । କଟକ ଉପଜିଲ୍ଲାପାଳ କମଳଜିତ ଦାଶଙ୍କ ଏତଲା ଆଧାରରେ ଗିରଫ କରିଛି ପୋଲିସ ।

କଟକ ଫ୍ରେଣ୍ଡସ୍ କଲୋନୀରେ ଏହି ଡାକ୍ତର ଜଣଙ୍କ ଦୀର୍ଘ ଦିନ ହେବ ବେଆଇନ ଭାବେ ଲିଙ୍ଗ ନିରୂପଣ କରୁଥିବା ଅଭିଯୋଗ ହୋଇଥିଲା । ଶୁକ୍ରବାର ସକାଳେ ସ୍ୱାସ୍ଥ୍ୟ ବିଭାଗ, ପୋଲିସ ମିଳିତ ଚଢାଉ କରିଥିଲେ । ଏହି ଚଢାଉ ବେଳେ ଏକ ପୋର୍ଟେବୁଲ ଅଲଟ୍ରାସାଉଣ୍ଡ ମେସିନ, ୪୦ ହଜାର ଟଂକା ସମେତ ବିଭିନ୍ନ ଯନ୍ତ୍ରାଶ ଜବତ କରିଛି ପୋଲିସ ।