ତ୍ରିପୁରା ନିର୍ବାଚନ, ସିପିଆଇ ସମର୍ଥକଙ୍କୁ ଆକ୍ରମଣ

ତ୍ରିପୁରା (ବଡ଼ ଖବର ବ୍ୟୁରୋ): ଆଜି ତ୍ରିପୁରା ବିଧାନସଭା ନିର୍ବାଚନ । ୬୦ ଆସନ ପାଇଁ କଡା ସୁରକ୍ଷାରେ ଚାଲିଛି ମତଦାନ । ୩ ହଜାର ୩୨୮ ମତଦାନ କେନ୍ଦ୍ରରେ ଭୋଟ ଗ୍ରହଣ ଆରମ୍ଭ ହୋଇଛି । ସେଥିମଧ୍ୟରୁ ୧୧୦୦ ବୁଥକୁ ସମ୍ବେଦନଶୀଳ ଓ ୨୮ ମତଦାନ କେନ୍ଦ୍ରକୁ ଅତି ସମ୍ବେଦନଶୀନ ଘୋଷଣା କରାଯାଇଛି । ତ୍ରିପୁରାର ୨୮ ଲକ୍ଷରୁ ଅଧିକ ଭୋଟର ଭୋଟ ଦେଇ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ୨୫୯ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ।

ସେପଟେ ଦକ୍ଷିଣ ତ୍ରିପୁରା ଜିଲ୍ଲାର ୩୬ ଶାନ୍ତିରବଜାର ନିର୍ବାଚନମଣ୍ଡଳୀର କାଲାଚେରା ମତଦାନ କେନ୍ଦ୍ର ବାହାରେ ଜଣେ ସିପିଆଇ ସମର୍ଥକଙ୍କୁ ଅତି ନିମର୍ମ ଭାବେ ବାଡେଇବା ଖବର ସାମ୍ନାକୁ ଆସିଛି । ଆହାତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ସେପଟେ ବୁଥ ବାହାରେ ପୋଲିସ ସଜାଗ ରହିଛି । ଅନ୍ୟପଟେ ମିଳଥିବା ସୂଚନା ଅନୁସାରେ ଜଣେ ସିପିଆଇ ସମର୍ଥକଙ୍କୁ ଆକ୍ରମଣ କରାଯାଇଥିଲା । ଯେଉଁଥିରେ ସେ ଆହାତ ହୋଇଥିେଲେ । ସେମାନଙ୍କ ବିରୋଧରେ ଶାନ୍ତିବଜାର ପୋଲିସ ଷ୍ଟେସନରେ ଏଫଆଇଆର ପଞ୍ଜିକୃତ କରାଯାଇଛି । ଅପରାଧିକୁ ଯଥାଶୀଘ୍ର ଧରାଯିବ ବୋଲି ପୋଲିସ କହିଛି ।