ୱାର୍ଡସଭ୍ୟଙ୍କୁ ଆକ୍ରମଣ ଘଟଣାରେ ଅଭିଯୁକ୍ତ ଗିରଫ

ଦଶରଥପୁର (ବଡ଼ ଖବର ବ୍ୟୁରୋ): ୱାର୍ଡସଭ୍ୟଙ୍କୁ ଆକ୍ରମଣ ଘଟଣା । କଲିକତାରୁ ଗିରଫ ହେଲା ଅଭିଯୁକ୍ତ । ଯାଜପୁର ଜିଲ୍ଲା ମଙ୍ଗଳପୁର ଥାନା କନିକାପଡା ପଞ୍ଚାୟତର ୱାର୍ଡସଭ୍ୟ ନରେଶ ରାଉତ ଓରଫ ମହନୀଙ୍କୁ ୨୫ ତାରିଖ ଦିନ କନିକାପଡ଼ା ଗ୍ରାମର ବିଜୁ ସେଠୀ ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ଘଟଣାସ୍ଥଳରେ ସ୍ଥାନୀୟ ଲୋକେ ଦୌଡ଼ି ଆସିବାରୁ ଘଟଣାସ୍ଥଳରୁ ଆକ୍ରମଣ କାରୀ ଚମ୍ପଟ ମାରିଥିଲା ।

ଏହି ଆକ୍ରମଣର ଶିକାର ହୋଇ ୱାର୍ଡ ସଭ୍ୟ ପ୍ରଥମେ ମଙ୍ଗଳପୁର ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ଏବଂ ଗୁରୁତର ହେବାରୁ ପରିବାର ଲୋକେ ନରେଶଙ୍କୁ ଭୁବନେଶ୍ୱର ର ଏକ ଘରୋଇ ମେଡିକାଲ ଆଣିଥିଲେ । ଏହି ମାମଲାରେ ମଙ୍ଗଳପୁର ପୋଲିସ ଅଭିଯୁକ୍ତ ବିଜୁ ସେଠୀକୁ କୋଲକାତାରୁ ଗିରଫ କରି ଅଧିକ ପଚରା ଉଚରା କରିବା ସହ କୋର୍ଟ ଚାଲାଣ କରିଛି ।