ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନିର୍ବାଚନ ପୂର୍ବରୁ ଉତ୍ତରପ୍ରଦେଶରେ କଂଗ୍ରେସକୁ ଆଉ ଏକ ଝଟକା । ଦଳାରୁ ହାତ ଛାଡ଼ିଲେ ତିନି ତିନି ଥର ବିଧାୟକ ହୋଇଥିବା ୟୁପି କାନପୁର ବିଧାୟକ ଅଜୟ କପୁର । ସେ ହାତ ଛାଡ଼ି ବିଜେପିରେ ଯୋଗ ଦେବେ । ଅଜୟ କପୁର କଂଗ୍ରେସର ଜାତୀୟ ସଚିବ ଥିଲେ। କଂଗ୍ରେସ ତାଙ୍କୁ ବିହାରର ସହ-ପ୍ରଭାରୀ ଅଜୟ କପୁରଙ୍କ ଦାୟିତ୍ୱ ମଧ୍ୟ ଦେଇଥିଲା।
କାନପୁରରୁ ବିଧାୟକ ରହିସାରିଥିବା ଅଜୟଙ୍କୁ କଂଗ୍ରେସ ଲୋକ ସଭା ନିର୍ବାଚନରେ କାନପୁର ଆସନରୁ ତାଙ୍କୁ ମଇଦାନକୁ ଓହ୍ଲାଇବାକୁ ଚାହୁଁଥିଲା। ଅଜୟ ୩ ଥର ବିଧାୟକ ଭାବରେ ନିର୍ବାଚିତ ହୋଇଛନ୍ତି। ସେ ୨୦୦୨ରୁ ୨୦୧୭ ପର୍ଯ୍ୟନ୍ତ ବିଧାୟକ ରହିଛନ୍ତି।
