ସତରେ ମୃତ୍ୟୁ କେତେବେଳେ ଆସେ ଜଣାପଡେନା

ଜଳେଶ୍ୱର (ବଡ଼ ଖବର ବ୍ୟୁରୋ): ବଜ୍ରାଘାତରେ ଜଳିଗଲେ ଯୁବକ । ବାଲେଶ୍ୱର ଜିଲ୍ଲା ଭୋଗରାଇ ବ୍ଲକରେ ଘଟିଛି ଅଭାବନୀୟ ଅଘଟଣ । ସକାଳୁ ସକାଳୁ ପ୍ରବଳ ବର୍ଷା ସହ ଘନ ଘନ ବଜ୍ରପାତ ହୋଇଥିଲା । ଏଥିରେ ଭୋଗରାଇର ଟୁକୁରୀ ହାଜିରା ପଂଚାୟତରେ ହରେନ୍ଦ୍ର ପରମାଣିକଙ୍କ ପୁଅ ରଞ୍ଜନଙ୍କ ବଜ୍ରପାତର ମୃତ୍ୟୁ ହୋଇଛି । ବଜ୍ରପାତରେ ରଞ୍ଜନ ଜଳି ଯାଇଛନ୍ତି ।

ସେହିପରି ପସରବିନ୍ଧା ଗ୍ରାମର ମୃତ୍ୟୁଞ୍ଜୟ ଘଢ଼ାଇଙ୍କ ବୋହୂ ମୋବାଇଲ ବ୍ୟବହାର କରୁଥୁଲା ବେଳେ ବଜ୍ରଘାତରେ ସର୍ଟସର୍କିଟରେ ଗୁରୁତର ହୋଇ ହସ୍ପିଟାଲ ସ୍ଥାନାନ୍ତରିତ ହୋଇଛନ୍ତି । ମୃତ୍ୟୁ ହୋଇଥିବା ରଞ୍ଜନ ଚିଙ୍ଗୁଡ଼ି ଘେରିକୁ ଯାଇଥିବା ବେଳେ ବର୍ଷା ଯୋଗୁ ଏକ ଚାଳ କୁଡ଼ିଆ ଘରେ ଆଶ୍ରୟ ନେଇଥିବା ବେଳେ ବଜ୍ର ପଡ଼ି ଘର ସହ ଯୁବକ ଜଳି ଯାଇଛନ୍ତି ।