ନାବାଳିକା ଗଣଦୁଷ୍କର୍ମକୁ ମାସେ ପୂରିଥିଲେ ସୁଦ୍ଧା ପୋଲିସ ହାତ ଖାଲି
କଟକ (ବଡ଼ ଖବର ବ୍ୟୁରୋ): ନାବାଳିକା ଗଣଦୁଷ୍କର୍ମକୁ ମାସେ ପୂରିଥିଲେ ସୁଦ୍ଧା ପୋଲିସ ହାତ ଖାଲି । ସୂଚନା ମୁତାବକ ଗତ ଫେବୃଆରୀ ୧୪ରେ ମଧୁପାଟଣା ଥାନା ଅଞ୍ଚଳର ଏକ ୭ ବର୍ଷର ନାବାଳିକାକୁ ଗଣ ଦୁଷ୍କର୍ମ ହୋଇଥିବା ନେଇ ଅଭିଯୋଗ ହୋଇଥିଲା । ୭ବର୍ଷ ଵୟସର ଜଣେ ନାବାଳିକା ଗତ ୧୪ ତାରିଖ ସକାଳେ ପୋପରଡା ଯାଉଥିବା ବେଳେ କିଛି ଦୁର୍ବୃତ୍ତ ତାକୁ ଉଠାଇ ନେଇ ଗଣଦୁଷ୍କର୍ମ କରିଥିଲେ । ଯାହାକୁ ନେଇ ପୀଡିତା ନାବାଳିକାଙ୍କ ପରିବାର ଲୋକ ମଧୁପାଟଣା ଥାନାରେ ଲିଖିତ ଅଭିଯୋଗ କରିଥିଲେ ।
କିନ୍ତୁ ଦୀର୍ଘ ଏକ ମାସ ବିତିଯାଇଥିଲେ ସୁଦ୍ଧା ପୋଲିସ ହାତ ଖାଲି । ଦୁର୍ବୃତ୍ତଙ୍କୁ ଧରିବାରେ ବିଫଳ ହୋଇଛି ପୋଲିସ୍ । ଯେଉଁଥିପାଇଁ କିଛି ସାମାଜିକ ସଂଗଠନ ଓ ସଚେତନ ମହିଳା ମାନେ କଟକ ଡିସିପିଙ୍କୁ ଭେଟି ଦୋଷୀମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଏପଟେ କଟକ ଅତିରିକ୍ତ ଡିସିପି ଅନିଲ ମିଶ୍ର କହିଛନ୍ତି ତଦନ୍ତ ଜାରି ରହିଛି । ସ୍ଥାନୀୟ ଏସିପି ଏହାର ତଦାରଖ ଦାୟିତ୍ବରେ ରହିଛନ୍ତି । ଖୁବଶୀଘ୍ର ଦୋଷୀ ମାନଙ୍କୁ ଧରାଯିବ ।
