ଆସିକା (ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲା ଆସିକା କୋଟିନଡା ଥାନା ଜୟପୁର ପଞ୍ଚାୟତ ପଢାଳ ଗ୍ରାମରେ ଏକ ଅଭାବନୀୟ ଘଟଣା ଘଟିଛି । ପାରିବାରିକ କଳହକୁ କେନ୍ଦ୍ର କରି ଭଉଣୀ ଘରେ ଭାଇଙ୍କୁ ଛୁରୀ ଭୁସି ହତ୍ୟା କରାଯାଇଛି । ମୃତକ ଜଣକ ହେଲେ ଧରାକୋଟ ଥାନା ତାଳପାଟଣା ଗ୍ରାମର ଋଷି ନାହକ । ମୃତକ ଋଷି ନାହକ ତାଙ୍କ ଭଉଣୀ ଘରକୁ ଆସିଥିଲେ । ଗତକାଲି ସଂଧ୍ୟାରେ ମୃତକ ଋଷିର ଭଉଣୀଙ୍କ ଶ୍ୱଶୁର କାଶୀନାଥ ଓ କାଶୀନାଥର ନାତି ଶିବ ମଧ୍ୟରେ ଗଣ୍ଡଗୋଳ ହୋଇଥିଲା । ବୁଡ ଥିବାରୁ ଗ୍ରାମରେ ମଦର ଆସର ହୋଇଥିଲା ।
ମଦ୍ୟପାନ ଯୋଗୁଁ ଉଭୟ କାଶୀନାଥ ଓ ଶିବଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏଥିରେ ମୃତକ ଋଷି ନାହକ ପ୍ରତିବାଦ କରିବାରୁ ଶିବ ଉତକ୍ଷିପ୍ତ ହୋଇ ଏକ ଧାରୁଆ ଛୁରୀର ଭୁଶି ଥିଲା । ଏହି ଘଟଣା ଘଟିବା ପରେ ପରିବାର ଆସିକା ମେଡିକାଲକୁ ଆଣିଥିଲେ । ସେଠାରେ କାର୍ଯ୍ୟରତ ଡାକ୍ତର ମୃତ୍ୟୁ ଘୋଷଣା କରିଥିବା ବେଳେ ଖବର ପାଇ ଆସିକା ଏସଡିପିଓ ଓ କୋଟିନଡା ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଶବ ଜଵତ କରିଥିଲେ । କୋଟିନଡା ପୋଲିସ ଶବକୁ ଆସିକା ମେଡିକାଲ ଠାରେ ଶବ ବ୍ୟବଛେଦ ପାଇଁ ପଠାଇ ଥିବା ବେଳେ ଏକ ହତ୍ୟା ମାମଲା ରୁଜୁ ହୋଇଥିବା ଜଣାପଡିଛି ।
