ମୁମ୍ବାଇ(ବଡ଼ ଖବର ବ୍ୟୁରୋ): ଆଇପିଏଲ ୨୦୨୪ର ୨୦ତମ ମ୍ୟାଚରେ ଦିଲ୍ଲୀ କ୍ୟାପିଟଲସକୁ ହରାଇଲା ମୁମ୍ବାଇ ଇଣ୍ଡିଆନ୍ସ । ମୁମ୍ବାଇ ଓ୍ବାଙ୍ଖଡ଼େ ଷ୍ଟାଡିୟମଠାରେ ରବିବାର ଖେଳାଯାଇଥିବା ମ୍ୟାଚରେ ଦିଲ୍ଲୀ କ୍ୟାପିଟାଲକୁ ୨୯ ରନ୍ରେ ହରାଇ ମୁମ୍ବାଇ ଇଣ୍ଡିଆନ୍ସ ପ୍ରଥମ ବିଜୟ ହାସଲ କରିଛି। ମୁମ୍ବାଇର ୨୩୫ ରନ୍ର ଜବାବରେ ଦିଲ୍ଲୀ ୨୦ ଓଭରରେ ୮ ଉଇକେଟ ହରାଇ ୨୦୫ ରନ୍ କରିବାରେ ସକ୍ଷମ ହୋଇଥିଲା। ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ଦିଲ୍ଲୀ କ୍ୟାପିଟାଲ । ରୋହିତ ଶର୍ମା ଏବଂ ଇଶାନ କିଶନ ବିସ୍ଫୋରକ ବ୍ୟାଟିଂ କରି ପ୍ରଥମ ୱିକେଟ୍ ପାଇଁ ୮୦ ରନ୍ ଭାଗିଦାରୀ କରିଥିଲେ। ୨୭ ବଲରେ ୪୯ ରନ୍ ସ୍କୋର କରିବା ପରେ ରୋହିତ ଶର୍ମା ଆଉଟ୍ ହୋଇଥିଲେ ।୨୩ ଟି ବଲରେ ଇଶାନ କିଶନ ୪୨ ରନ ସ୍କୋର କରିଥିଲେ ।
ଇନିଂସ ମନ୍ଥର ହୋଇଥିଲା ଏବଂ ତିଲକ ବର୍ମା ୬ ରେ ଏବଂ ସୂର୍ଯ୍ୟକୁମାର ଯାଦବ ଶୂନ୍ୟରେ ଆଉଟ୍ ହୋଇଥିଲେ। ହାର୍ଦ୍ଦିକ ପାଣ୍ଡ୍ୟାଙ୍କ ବ୍ୟାଟ୍ ଧୀର ରହିଲା। ସେ ୩୩ ବଲରେ ୩୯ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ । ୨୧ ଟି ବଲରେ ଟିମ ଡେଭିଡ ଅପରାଜିତ ୪୫ ଏବଂ ରୋମାରିଓ ଶେଖର ୧୦ ଟି ବଲରେ ୩୯ ରନ୍ ସଂଗ୍ରହ କରି ମୁମ୍ବାଇକୁ ୫ ୱିକେଟ୍ ନେଇ ୨୩୪ ରନ୍ କରିଥିଲେ। ଶେଷ ଓଭରରେ ରୋମାରିଓ ନର୍ଥଜେଙ୍କୁ ୩୨ ରନ୍ ଦେଇଥିଲେ। ଜବାବରେ ପୃଥ୍ବୀ ଶ ଏବଂ ଷ୍ଟବ୍ସ ମୁମ୍ବାଇ ଇଣ୍ଡିଆନ୍ସ ପାଇଁ ଭଲ ବ୍ୟାଟିଂ କରିଥିଲେ। ସେ ୪୦ ବଲରେ ୬୬ ରନ୍ ସଂଗ୍ରହ କରିଥିଲେ। ଷ୍ଟବ୍ସ ୨୫ ବଲରେ ଅପରାଜିତ ୭୧ ରନ୍ ସ୍କୋର କରିଥିଲେ ଏବଂ ଅନ୍ୟ ବ୍ୟାଟ୍ସମ୍ୟାନ୍ମାନେ ଫ୍ଲପ୍ ହୋଇଥିଲେ। ଦିଲ୍ଲୀ ୮ ୱିକେଟ୍ ହରାଇ ୨୦୫ ରନ୍ ସ୍କୋର କରିଥିଲା ଏବଂ ମୁମ୍ବାଇ ୨୯ ରନରେ ମ୍ୟାଚ୍ ଜିତିଥିଲା । ଆଜି ଚେନ୍ନାଇର ଚେପକ୍ ଷ୍ଟାଡିୟମରେ ମୁହାଁମୁହିଁ ହେବେ ଚେନ୍ନାଇ ସୁପର କିଙ୍ଗସ ଏବଂ କୋଲକାତା ନାଇଟ୍ ରାଇଡର୍ସ ।
