‘ମୁକେଶ ହଟାଅ ପାଲଲହଡ଼ା ବଞ୍ଚାଅ’
କଣିହା (ବଡ଼ ଖବର ବ୍ୟୁରୋ): ଅନୁଗୋଳ ଜିଲ୍ଲା କଣିହାଁ ବ୍ଲକ ପାଳଲହଡ଼ା ନିର୍ବାଚନମଣ୍ଡଳିରେ ପୁରୁଣା ବିଜେଡି କର୍ମୀଙ୍କ ମୁକେଶ ହଟାଅ ପାଲଲହଡ଼ା ବଞ୍ଚାଅ ନାରାରେ କମ୍ପୁଛି ପାଲଲହଡ଼ା ନିର୍ବାଚନମଣ୍ଡଳି । କର୍ଣ୍ଣପାଳ ପଞ୍ଚାୟତ ସିପୁର ଗ୍ରାମର ହାଟ ପଡିଆଠାରେ ପାଳଲହଡ଼ା ବିଧାୟକ ମୁକେଶ ପାଲଙ୍କୁ ପୁରୁଖା ବିଜେଡି ନେତାମାନେ ବିରୋଧ କରିଛନ୍ତି । ଦିନକୁ ଦିନ ଏହି ବିବାଦ ଉଗ୍ରହେବାରେ ଲାଗିଥିବା ଜଣାପଡିଛି । ୨୦୨୪ ନିର୍ବାଚନ ପାଇଁ ଦଳ ମୁକେଶ ପାଲଙ୍କୁ ବିଜେଡି ଟିକେଟ ଦେଇଛନ୍ତି ।
ଏବେ ତାଙ୍କୁ ଭୋଟ ନଦେବାକୁ ସ୍ଲୋଗାନ ଦେଲେଣି ବିଜେଡି ବିରୋଧୀ ଗୋଷ୍ଠୀ । କିଛି ଆଖିଦେଖାଣିଆ ବିଜେଡି କର୍ମୀଙ୍କୁ ନେଇ ମନମୁଖୀ କାର୍ଯ୍ୟ କରୁଛନ୍ତି ମୁକେଶ ପାଲ । ସେଥିପାଇଁ ପାଲଲହଡ଼ା ନିର୍ବାଚନମଣ୍ଡଳିରେ ଦଳ ଦୁଇ ଫାଳ ହୋଇଛି । ଆଗାମୀ ନିର୍ବାଚନରେ ବିରୋଧୀ ଗୋଷ୍ଠୀ କାହାକୁ ସମର୍ଥନ କରିବେ ସାଧାରଣରେ ଚର୍ଚ୍ଚା ଜୋରଧରିଛି । ଅନ୍ୟପଟେ ରାଜ୍ୟ ଖାଦ୍ୟ ଆୟୋଗ ଅଧ୍ୟକ୍ଷ ମଧ୍ୟ ନୀରବ ଥିବା ବିଜେଡି ଦଳ ପାଇଁ ବୁମେରାଙ୍ଗ ସାଜିଛି। ତେବେ ମୁକେଶ ଏଥର ବହୁ ଭୋଟରେ ପରାଜୟ ହେବେ ବୋଲି ବୁଦ୍ଧିଜୀବୀ ମହଲରେ ଆଲୋଚନା ଚାଲିଛି।