ରୋହିତଙ୍କ ଶତକକୁ ଫିକା କଲେ ପଥିରଣା
ମୁମ୍ବାଇ(ବଡ଼ ଖବର ବ୍ୟୁରୋ): ଆଇପିଏଲ ୨୦୨୪ ମ୍ୟାଚରେ ମୁମ୍ବାଇକୁ ହରାଇଲା ଚେନ୍ନାଇ । ରୋହିତ ଶର୍ମାଙ୍କ ଲଢ଼ୁଆ ଶତକ ସତ୍ତ୍ବେ ମୁମ୍ବାଇ ଇଣ୍ଡିଆନ୍ସ ଘରୋଇ ପଡ଼ିଆରେ ଚେନ୍ନାଇ ସୁପର୍ କିଙ୍ଗ୍ସଠାରୁ ହାରିଯାଇଛି। ଚେନ୍ନାଇ ସୁପର୍ କିଙ୍ଗ୍ସର ୨୦୬ ରନ୍ ଜବାବରେ ମୁମ୍ବାଇ ଇଣ୍ଡିଆନ୍ସ ୧୮୬ ରନ୍ରେ ସୀମିତ ରହିଯାଇଥିଲା। ପାଳି ଆରମ୍ଭ କରି ବିଦାୟୀ ଅଧିନାୟକ ରୋହିତ ଶର୍ମା ଶେଷ ପର୍ୟ୍ୟନ୍ତ ଅପରାଜିତ ରହିଥିଲେ ମଧ୍ୟ ସାଥୀହରା ହୋଇ ଦଳକୁ ବିଜୟ ଦେଇପାରି ନଥିଲେ।
ରୋହିତଙ୍କ ବାଦ୍ କେବଳ ତିଳକ ବର୍ମା ୩୧ ରନ, ଈଶାନ କିଶନ ୨୩ ରନ, ଟିମ୍ ଡେଭିଡ୍ ୧୩ ରନ କରିପାରିଥିଲେ । ଅଜିଙ୍କ୍ୟ ରାହାଣେଙ୍କ ଇମ୍ପାକ୍ଟ ଖେଳାଳି ଭାବେ ଆସିଥିବା ମଥିଶା ପଥିରଣା ମ୍ୟାଚ୍ରେ ନିର୍ଣ୍ଣାୟକ ଭୂମିକା ତୁଲାଇଥିଲେ। ମାରାତ୍ମକ ବୋଲିଂ କରି ସେ ୪ ପ୍ରମୁଖ ବ୍ୟାଟର୍ ଈଶାନ କିଶନ, ସୂର୍ଯ୍ୟକୁମାର ଯାଦବ, ତିଳକ ବର୍ମା ଓ ରୋମାରିଓ ସେଫର୍ଡଙ୍କ ୱିକେଟ୍ ନେଇଥିଲେ । ଏଥି ସହିତ ଷଷ୍ଠ ମ୍ୟାଚ୍ରୁ ଚତୁର୍ଥ ବିଜୟ ହାସଲ କରି ଚେନ୍ନାଇ ତୃତୀୟ ସ୍ଥାନରେ ଅପରିବର୍ତ୍ତିତ ରହିଛି।
