ଭଞ୍ଜନଗର (ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲା ସୋରଡ଼ାରେ ରାଜନୈତିକ ହିଂସା। ସୋରଡ଼ା ଥାନା ଭଗବାନପୁର ଗାଁରେ ବିଜେଡି ଓ ବିଜେପି କର୍ମୀ ମଧ୍ୟରେ ମୁହାଁମୁହିଁ । ଉଭୟ ପକ୍ଷରୁ ଦୁଇ ଆହତ। ଆହତ ହେଲେ ଭଗବାନ ଗୌଡ଼, ଶିବ ଗୌଡ଼। ପୋଲିସ ପହଂଚି ଆହତଙ୍କୁ ଉଦ୍ଧାର କରି ସୋରଡ଼ା ମେଡିକାଲରେ ଭର୍ତ୍ତି କରିଛି।
ଗାଁ ରାଜନୀତିକୁ ନେଇ ଉଭୟ ଶିବ ଓ ଭଗବାନଙ୍କ ମଧ୍ୟରେ ପ୍ରଥମେ ବଚସା ଓ ପରେ ହାତାହାତି ହୋଇଥିଲେ। ଶିବଙ୍କ ସପକ୍ଷରେ କିଛି ଯୁବକ ବାହାରି ଭଗବାନଙ୍କୁ ଆକ୍ରମଣ କରିଥିଲେ। ପୋଲିସ ଦୁଇ ଜଣଙ୍କୁ ଅଟକ ରଖି ପଚରାଉଚରା ଜାରିରଖିଛି।
