‘୩୦ ବର୍ଷ ହେବ ଅଛି ଆଗକୁ ରହିବି’

ବାରିପଦା (ବଡ଼ ଖବର ବ୍ୟୁରୋ): ଆଶୀର୍ବାଦ ସଭାରେ ଗର୍ଜିଲେ ଲୋକ ସଭା ପ୍ରାର୍ଥୀ ସୁଦାମ ମାର୍ଣ୍ଡି । କହିଲେ ମୁଁ ବାଘ ହେଲେ ମୋ ସ୍ତ୍ରୀ ବାଘୁଣୀ । ମୟୁରଭଞ୍ଜ ଜିଲ୍ଲା ବାଙ୍ଗିରିପୋଷି ବ୍ଲକରେ ନିର୍ବାଚନ ପାଣିପାଗ ଚଳଚଞ୍ଚଳ ହୋଇ ଉଠିଛି। ୧୯୯୦ ମସିହାରେ ରାଜନୈତିକ ଜୀବନ ଆରମ୍ଭ କରିଥିବା ସୁଦାମ ପ୍ରଥମ ରାଜନୈତିକ ସଭାରେ ଗର୍ଜିଛନ୍ତି ସୁଦାମ । ବିଜେଡିର ମୟୁରଭଞ୍ଜ ସାଂସଦ ପ୍ରାର୍ଥୀ ସୁଦାମ ମାରାଣ୍ଡି କହିଛନ୍ତି ମୁଁ ସଦାସର୍ବଦା ମୟୁରଭଞ୍ଜ ଜନସାଧାରଣଙ୍କ ପାଖରେ ୧୯୯୦ ମସିହା ପାଖରୁ ରହିଛି ।

ଆଗକୁ ମୁଁ ଏବଂ ମୋର ସ୍ତ୍ରୀ ଉଭୟ ରହିବ। ମୁଁ ବାଘ ହୋଇଥିବା ବେଳେ ମୋ ସ୍ତ୍ରୀ ବାଘୁଣୀ ହୋଇ ଆପଣଙ୍କ ସେବା କରିବ। ମୟୁରଭଞ୍ଜ ମାଟି ମୋତେ ସେବା କରିବା ପାଇଁ ଆଜକୁ ୩୦ ବର୍ଷ ହେବ ସହଯୋଗ କରି ଆସିଛି। ଆଗକୁ ମଧ୍ୟ ବାଙ୍ଗିରିପୋଷି ବିଧାୟକ ଓ ମୟୁରଭଞ୍ଜ ସାଂସଦ ଭାବେ ସେବା କରିବା ପାଇଁ ସୁଯୋଗ ଦିଆଯାଉ ବୋଲି କର୍ମୀଙ୍କୁ ଅନୁରୋଧ କରିଥିଲେ। ଏଥି ସହିତ ସୁଦାମ ତାଙ୍କ ପୁଅଙ୍କୁ ମଧ୍ୟ ଜନ ସାଧାରଣଙ୍କ ସାମ୍ନାକୁ ଆଣିଥିଲେ।