ବିଜେଡିରେ ଯୋଗଦେଲେ ଶତାଧିକ କର୍ମୀ

ପାରଳାଖେମୁଣ୍ଡି (ବଡ଼ ଖବର ବ୍ୟୁରୋ): ବିଜେଡିରେ ଯୋଗଦେଲେ ଶତାଧିକ କର୍ମୀ । ବିଜେଡି ମାଇନୋରିଟି ସେଲ ଅଧ୍ୟକ୍ଷ ତଥା ସିନେଷ୍ଟାର ମୁନା ଖାନ ଏବଂ ପାରଳାଖେମୁଣ୍ଡି ବିଜେଡି ବିଧାୟକ ପ୍ରାର୍ଥୀ ରୂପେଶ ପାଣିଗ୍ରାହୀ ନିର୍ବାଚନୀ ପ୍ରଚାର ନିମନ୍ତେ ଗୁମା ବ୍ଲକ ଗସ୍ତ କରିଥିଲେ । ଏହି ଅବସରରେ କଂଗ୍ରେସର ବହୁ ନେତା ଓ କର୍ମୀ ବିଜେଡି ଦଳରେ ଯୋଗ ଦେଇଥିଲେ ।

ବିଜୁ ବାବୁଙ୍କ ସମୟରୁ ତାଙ୍କ ସହ କାର୍ଯ୍ୟ କରୁଥିଲୁ ବର୍ତ୍ତମାନ ତାଙ୍କ ପୁତ୍ର ନବୀନ ବାବୁଙ୍କ କାର୍ଯ୍ୟ ଏବଂ ବିକାଶ ଧାରାରେ ଅନୁପ୍ରାଣିତ ହୋଇ ଆଜି ବିଜେଡିରେ ଯୋଗଦାନ କରିଛୁ ବୋଲି କହିଛନ୍ତି ନୁତନ ଭାବେ ଯୋଗଦାନ କରିଥିବା ଲୋକମାନେ କହିଛନ୍ତି । ସେପଟେ ମୁନା ଖାନ ଓ ରୂପେଶ ଏକ ଘଣ୍ଟାରୁ ଅଧିକ ସମୟ କର୍ମୀମାନଙ୍କ ସହ ଆଲୋଚନା କରିବା ଏବଂ ନବୀନ ବାବୁଙ୍କ ଭାବମୁର୍ତ୍ତୀ ସମ୍ବନ୍ଧୀୟ ତଥ୍ୟ ଜନସାଧାରଣଙ୍କୁ ଅବଗତ କରାଇବା ସହ ସ୍ଥନୀୟ ଅଞ୍ଚଳର ପ୍ରତ୍ୟେକ ସମସ୍ୟା ସମାଧାନ କରାଯିବ ବୋଲି ପ୍ରତିଶ୍ରୁତି ମଧ୍ୟ ଦେଇଥିଲେ ।