ମହାରାଷ୍ଟ୍ର (ବଡ଼ ଖବର ବ୍ୟୁରୋ): ମହାରାଷ୍ଟ୍ରରେ କଂଗ୍ରେସ ଉପରେ ବର୍ଷିଲେ ପ୍ରଧାନମନ୍ତ୍ରୀ । ଲୋକସଭା ନିର୍ବାଚନର ତୃତୀୟ ପର୍ଯ୍ୟାୟ ପୂର୍ବରୁ ନରେନ୍ଦ୍ର ମୋଦି ମଙ୍ଗଳବାର ମହାରାଷ୍ଟ୍ରର ମାଧା ଠାରେ ଏକ ସାଧାରଣ ସଭାକୁ ସମ୍ବୋଧିତ କରିଛନ୍ତି। ସେ କହିଛନ୍ତି, ଯେହେତୁ ତୁମେ ମୋତେ ଗତ ୧୦ ବର୍ଷ ମଧ୍ୟରେ କାମ ଦେଇଛ, ମୁଁ ମୋର ଶରୀରର ପ୍ରତ୍ୟେକ ଅଙ୍ଗ ଏବଂ ମୋର ପ୍ରତ୍ୟେକ ମୁହୂର୍ତ୍ତକୁ ତୁମର ସେବା ପାଇଁ ଉତ୍ସର୍ଗ କରିଛି।
ଆଜି ଦେଶର ଲୋକ, ମହାରାଷ୍ଟ୍ରର ଲୋକମାନେ ଉତ୍ସବ ପାଳନ କରୁଛନ୍ତି। ମୋଦି ସରକାରଙ୍କ ୧୦ ବର୍ଷ ଓ କଂଗ୍ରେସ ସରକାର ୬୦ବର୍ଷର ପାର୍ଥକ୍ୟ ଦେଖୁଛୁ। ସେ ଆହୁରି ମଧ୍ୟ କହିଛନ୍ତି ୧୫ ବର୍ଷ ପୂର୍ବେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଜଣେ ବଡ ନେତା ଆସିଥିଲେ। ତା’ପରେ ସେ ସୂର୍ଯେ୍ୟାଦୟ ସମୟରେ ଶପଥ ନେଇଥିଲେ ଯେ ସେ ମରୁଡ଼ି ପ୍ରଭାବିତ ଲୋକଙ୍କୁ ଜଳ ଯୋଗାଇ ଦେବେ। ସେ ତାଙ୍କ ପ୍ରତିଜ୍ଞା ପୂରଣ କରି ନାହାନ୍ତି, ବର୍ତ୍ତମାନ ତାଙ୍କୁ ଦଣ୍ଡ ଦେବାର ସମୟ ଆସିଛି। ଏହି ରାଲିରେ ପ୍ରଧାନମନ୍ତ୍ରୀ କଂଗ୍ରେସର ୬୦ବର୍ଷ ଏବଂ ବିଜେପି ସରକାରର ୧୦ ବର୍ଷ ବିଷୟରେ ଉଲ୍ଲେଖ କରିଛନ୍ତି।
