ଏରସମା(ବଡ଼ ଖବର ବ୍ୟୁରୋ): ନିର୍ବାଚନ ସମୟ ଯେତେ ପାଖେଇ ଆସୁଛି ବାଲିକୁଦା ଏରସମା ନିର୍ବାଚନ ମଣ୍ଡଳୀ ବିଜେଡିରେ ବିଦ୍ରୋହ ସେତେ ବଢ଼ି ଚାଲିଛି। ଆଜି ବାଲିକୁଦା କରକେଇ ପୀଠରେ ବିଜେଡ଼ି ବିଧାୟକ ପ୍ରାର୍ଥୀ ଶାରଦା ପ୍ରସନ୍ନ ଜେନାଙ୍କ ନେତୃତ୍ବରେ ନିର୍ବାଚନ ପ୍ରସ୍ତୁତି ବୈଠକ ଚାଲୁଥିବାବେଳେ ବାଇକ ରାଲି କରିଛନ୍ତି ଅସନ୍ତୋଷ ବିଜେଡି ନେତା ସଞ୍ଜୀବ ବିଶ୍ବାଳ । ଯାହାକୁ ଦେଖି କିଛି ସମୟ ପାଇଁ ତାଯୁବ ହୋଇଯାଇଥିଲେ ଶାରଦା ପ୍ରସନ୍ନ ଜେନା।
ଦଳର ସୁପ୍ରିମୋ ନବୀନ ପଟ୍ଟନାୟକ ମୋ ପ୍ରତି ଅବିଚାର କରିଛନ୍ତି, ମୁଁ ଲୋକମାନଙ୍କ ସେବା ପାଇଁ ସ୍ୱାଧୀନ ଭାବେ ନିର୍ବାଚନ ଲଢ଼ିବି ଆଉ ଜିତିବି ବୋଲି କହିଛନ୍ତି ସଞ୍ଜୀବ ବିଶ୍ବାଳ। ସେପଟେ ଉପରିସ୍ଥ ନେତୃତ୍ଵ ମାନଙ୍କ ଦ୍ବାରା ସଞ୍ଜୀବ ବିଶ୍ବାଳଙ୍କୁ ବୁଝାଇବାକୁ ଚେଷ୍ଟା କରାଯିବ ବୋଲି କହିଛନ୍ତି ଶାରଦା ପ୍ରସନ୍ନ ଜେନା। ଯଦି ବିଜୁ ଜନତା ଦଳରେ ଏଭଳି ବିଦ୍ରୋହ ଲାଗିରହେ କିମ୍ଵା ଦଳର ଟାଣୁଆ ନେତା ସଞ୍ଜୀବ ବିଶ୍ବାଳ ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ଲଢ଼ନ୍ତି ତେବେ ବାଲିକୁଦା ଏରସମା ନିର୍ବାଚନ ମଣ୍ଡଳୀ ବିଜେଡି ହାତରୁ ଖସିଯିବାର ସମ୍ଭାବନା ଅଧିକ ରହିଛି।
