ସମସ୍ୟାର ସମାଧାନ ପାଇଁ ଭାରତୀୟ ବନ୍ଦର ମଜଦୁର ସଙ୍ଘର ଚେତାବନୀ
ପାରାଦୀପ (ବଡ଼ ଖବର ବ୍ୟୁରୋ): ପାରାଦୀପରେ ଧୀରେ ଧୀରେ ସର୍ବଭାରତୀୟ ସ୍ତରରେ ରହିଥିବା ବୃହତ ବନ୍ଦରମାନଙ୍କରେ ସ୍ଥାୟୀ କର୍ମଚାରୀଙ୍କ ସଂଖ୍ୟା ହ୍ରାସ ପାଉଥିବା ବେଳେ ନିଯୁକ୍ତି ସମ୍ପୂର୍ଣ୍ଣ ବନ୍ଦ ହୋଇଯାଇଛି । ବିଭିନ୍ନ ସରକାରୀ ସଂସ୍ଥାରେ ବିଭିନ୍ନ ସମୟରେ ନିଯୁକ୍ତିର ସୁଯୋଗ ସୃଷ୍ଟି ହେଉଥିବା ବେଳେ ବନ୍ଦରମାନଙ୍କରେ ଏହାର ଓଲଟା ଚିତ୍ର ଦେଖିବାକୁ ମିଳିଛି । ଯାହାକୁ ନେଇ ଆଗାମୀ ଦିନରେ ଭାରତୀୟ ବନ୍ଦର ମଜଦୁର ସଙ୍ଘ ତରଫରୁ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିବାକୁ ଚେତାବନୀ ଦେଇଛନ୍ତି ସର୍ବ ଭାରତୀୟ ବନ୍ଦର ମଜଦୁର ସଙ୍ଘର ଜାତୀୟ ସ୍ତରର ନେତୃବୃନ୍ଦ ।
ଶ୍ରମିକ ନେତା ରାକେଶ ପଟ୍ଟନାୟକଙ୍କ ସଭାପତିତ୍ୱରେ ପାରାଦୀପ ମଧୁବନ ଠାରେ ରହିଥିବା ଭାରତୀୟ ବନ୍ଦର ମଜଦୁର ସଙ୍ଘ କାର୍ଯ୍ୟାଳୟ ପରିସରରେ ଆୟୋଜିତ ବାର୍ଷିକ ସମ୍ମିଳନୀ ଅବସରରେ ଯୋଗଦେଇଥିଲେ ସର୍ବ ଭାରତୀୟ ବନ୍ଦର ମଜଦୁର ସଙ୍ଘର କର୍ମକର୍ତ୍ତା। ଏହା ସହିତ ଆଗାମୀ ଦିନରେ ପାରାଦୀପ ବନ୍ଦରରେ କାର୍ଯ୍ୟରତ ସମସ୍ତ କଣ୍ଟ୍ରାକଚୁଆଲ ଶ୍ରମିକ ହୁଅନ୍ତୁ କିମ୍ବା ଠିକା ଶ୍ରମିକମାନଙ୍କ ବିଭିନ୍ନ ସମସ୍ୟାକୁ ସମାଧାନ କରିବା କ୍ଷେତ୍ରରେ ଭାରତୀୟ ବନ୍ଦର ମଜଦୁର ସଙ୍ଘ ତାର ସ୍ୱରକୁ ଶାଣିତ କରିବ ବୋଲି ଉପସ୍ଥିତ ଶ୍ରମିକ ନେତାମାନେ ପ୍ରକାଶ କରିଥିଲେ ।