ସାହାରପଡ଼ା (ବଡ଼ ଖବର ବ୍ୟୁରୋ): କେନ୍ଦୁଝର ଜିଲ୍ଲା ପାଟଣା ବ୍ଲକ୍ ବୁଢ଼ିକାପୁଡ଼ି ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ଯୋଜନାରେ ମହାଦୁର୍ନୀତି । ଏ ନେଇ ଖୋଦ ସରପଞ୍ଚ ମମତାମୟୀ ନାଏକ ପାଟଣା ବିଡିଓଙ୍କ ପାଖରେ ଅଭିଯୋଗ କରିଛନ୍ତି।ପଞ୍ଚାୟତର ତେନ୍ତୁଳୀଖୁଣ୍ଟି ଓ ପୁରନ୍ଦରପୁର ଗ୍ରାମର ବିମଳା ମହାନ୍ତ,ଦ୍ରୋପଦୀ ମହାନ୍ତ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ପାଇଥିଲେ। ଦୁହିଁଙ୍କର ୨୮ ସେପ୍ଟେମ୍ବର ୨୦୨୩ରେ ରୁଫ୍ ଲେବୁଲ ଫଟୋ ଅକ୍ଟୋବର୍ ୨୦୨୩ ଛାତର ସମ୍ପୂର୍ଣ୍ଣ ଫଟୋ ଅପ୍ଲୋଡ଼ ହୋଇଥିଲା। ପରେ ଉଭୟଙ୍କ ଜମା ଖାତାକୁ ଶେଷ କିସ୍ତି ଟଙ୍କା ଆସିଛି।
ହେଲେ ଏ ପର୍ଯ୍ୟନ୍ତ ଦୁହିଁଙ୍କ ଗୃହର ଛାତ ପଡ଼ିନାହିଁ। ସେହିଭଳି ତେନ୍ତୁଳୀଖୁଣ୍ଟିର ବାଗୁନ ମୁଣ୍ଡାଙ୍କ ୨୪ ନଭେମ୍ବର ୨୦୨୩ରେ ରୁଫ୍ ଫଟୋ ଏବଂ ୨୩ ଜାନୁଆରୀ ୨୦୨୪ରେ ସମ୍ପୂର୍ଣ୍ଣ ହୋଇଥିବା ଦର୍ଶାଯାଇଥିଲା। ତେଣୁ ତାଙ୍କ ଜମାଖାତାକୁ ମଧ୍ୟ ଫାଇନାଲ ଟଙ୍କା ଆସିଛି। ମାତ୍ର ଉକ୍ତ ଘରର ଛାତ ପଡ଼ିନାହିଁ। ୩ ଜଣଙ୍କର ଜମାଖାତାକୁ ୧୫ ମାର୍ଚ୍ଚ ୨୦୨୪ ଶେଷ କିସ୍ତିର ଟଙ୍କା ଆସିଛି। ଘଟଣା ଜଣାପଡ଼ିବା ପରେ ସ୍ଥାନୀୟ ଲୋକେ ସରପଞ୍ଚଙ୍କୁ ଅଭିଯୋଗ କରିଥିଲେ। ସରପଞ୍ଚଙ୍କ ଅଭିଯୋଗ ପରେ ବିଡିଓ ଘଟଣା ସ୍ଥଳକୁ ଯାଇ ତଦନ୍ତ କରିବାକୁ ସହକାରୀ ଅଧିକାରୀଙ୍କୁ ନିଦେ୍ର୍ଧଶ ଦେଇଥିବା ସୂଚନା ରହିଛି।
