‘ସାତ ଜନ୍ମରେ ସରକାର ଗଠନ କରିପାରିବ ନାହିଁ କଂଗ୍ରେସ’

ହରିୟାଣା (ବଡ଼ ଖବର ବ୍ୟୁରୋ): ୨୦୨୪ ଲୋକ ସଭା ନିର୍ବାଚନର ଷଷ୍ଠ ପର୍ୟ୍ୟାୟ ପ୍ରଚାର ପାଇଁ ହରିୟାଣାର ମହେନ୍ଦ୍ରଗଡରେ ପହଞ୍ଚି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କଂଗ୍ରେସ ଉପରେ କଡ଼ା ଆକ୍ରମଣ କରିଛନ୍ତି। ୭ଟି ଜନ୍ମରେ ମଧ୍ୟ ସେମାନଙ୍କ ସରକାର ଗଠନ ହେବ ନାହିଁ ବୋଲି ସେ କହିଛନ୍ତି। କଂଗ୍ରେସକୁ ଦେଉଥିବା ଭୋଟ ବେକାର ହିଁ ହେବ । ସେ ବିରୋଧୀ ମେଣ୍ଟ ଇଣ୍ଡିଆକୁ ଟାର୍ଗେଟ କରି କହିଛନ୍ତି ଯେ, ଗାଈ କ୍ଷୀର ଦେଇଛି କି ନାହିଁ ଘିଅ ଖାଇବା ପାଇଁ ଇଣ୍ଡିଆ ମେଣ୍ଟ ମଧ୍ୟରେ ଝଗଡ଼ା ଆରମ୍ଭ ହୋଇଯାଇଛି ।

ଏମାନେ କହୁଛନ୍ତି ଯେ, ପାଞ୍ଚ ବର୍ଷରେ ପଞ୍ଚଜଣ ପ୍ରଧାନମନ୍ତ୍ରୀ ହେବେ, ହରିୟାଣାର ଲୋକେ ଏହାର ଧଯ୍ୟା ଉଡାଇଦେବେ । ଇଣ୍ଡିଆ ମେଣ୍ଟର ଲୋକମାନେ ଅତ୍ୟନ୍ତ ସଂପ୍ରଦାୟିକ, ଅତ୍ୟଧିକ ଜାତିବାଦୀ, ଅତ୍ୟଧିକ ପରିବାର ଭିତ୍ତିକ । ହରିୟାଣାରେ ନିଜ କଥା କହି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ, ମୋତେ ପଞ୍ଜାବ ଏବଂ ହରିୟାଣାର ରାଜନୀତି ବିଷୟରେ ବୁଝାପଡିଲା । ମୁଁ ୧୯୯୫ ମସିହାରେ ହରିୟାଣା ଆସିଥିଲି । ମୁଁ ଏଠାରେ ମାଆ-ଭଉଣୀଙ୍କ ହାତର ଖାଇବା ଖାଇଥିଲି । ସମସ୍ତ ଭାରତ ବିରୋଧୀ ଶକ୍ତି ସକ୍ରିୟ କିନ୍ତୁ ମୋଦୀ ସେମାନଙ୍କ ନିକଟରେ ମୁଣ୍ଡ ନୁଆଁନ୍ତି ନାହିଁ । ଆପଣମାନଙ୍କ ଋଣ ପରିଶୋଧ କରିବାକୁ ମୋଦୀଙ୍କର ବହୁତ କାମ ଅଛି । ଆମ ହରିୟାଣାକୁ ନୂଆ ଉଚ୍ଚବତାକୁ ନେବାକୁ ପଡିବ ।