ବଦଳିବ ବସ୍ତି ଚେହେରା

ପୁରୁଷୋତ୍ତମପୁର, (ବଡ଼ ଖବର ବ୍ୟୁରୋ) : ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଏନଏସିରେ ଅଞ୍ଚଳରେ ରହୁଥିବା ବସ୍ତିବାସିନ୍ଦାଙ୍କ ଉନ୍ନତୀକରଣ ଲାଗି ଆରମ୍ଭ ହୋଇଛି ସର୍ଭେ । ସେମାନଙ୍କ ମୌଳିକ ଆବଶ୍ୟକତା ପୂରଣ ପାଇଁ ସରକାରୀସ୍ତରରେ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି। ପୁରୁଷୋତ୍ତମପୁର ଏନ୍ଏସି ବସ୍ତିର ଉନ୍ନତୀକରଣ ସର୍ଭେର ସବିଶେଷ ତଥ୍ୟ ତଦାରଖ କରିବା ସହ କାର୍ୟ୍ୟ ତ୍ୱରାନିତ ପ୍ରତି ଧ୍ୟାନ ଦେଇଛନ୍ତି ଛତ୍ରପୁର ପ୍ରକଳ୍ପ ନିର୍ଦ୍ଦେଶକ ସୁଦାମଚରଣ ପଣ୍ଡା ।

କପିଳେଶ୍ଵର, କନକା ବସ୍ତିର ରାସ୍ତା, ଡ୍ରେନ ବ୍ୟବସ୍ଥା, ଆଲୋକୀକରଣ, ପାନୀୟଜଳ ସମସ୍ୟା ଲାଗି କାର୍ଯରତ ଅଧିକାରୀମାନଙ୍କ ସହ ସବିଶେଷ ଆଲୋଚନା କରିଛନ୍ତି ପ୍ରକଳ୍ପ ନିର୍ଦ୍ଦେଶକ । କାର୍ୟ୍ୟରେ ଶୀଥିଳତା ଦେଖି ସେ ଉଦବେଗ ପ୍ରକାଶ କରିଛନ୍ତି । ପରିବା ମାର୍କେଟରୁ ବାହାରୁଥିବା ବର୍ଯ୍ୟବସ୍ତକୁ ଆଧୁନିକ ଉପାୟରେ ବିଭିନ୍ନ କ୍ଷେତ୍ରରେ ବ୍ୟବହାର କରିବାକୁ ପ୍ରକଳ୍ପ ନିର୍ଦ୍ଦେଶକ ନିର୍ଦ୍ଦେଶ ଦେଇଛନ୍ତି । ଅନୁଷ୍ଠତି ବୈଠକରେ ପୁରୁଷୋତ୍ତମପୁର ଏନ୍ଏସି କାର୍ଯ୍ୟନିର୍ବାହୀ ଅଧିକାରୀ ସୌମ୍ୟରଞ୍ଜନ ମିଶ୍ର, ଅଞ୍ଜଳି ପାଢ଼ୀ, ଜଗତ ଜ୍ୟୋତି ସାମଲ, ବିଦ୍ୟୁତ ବିଭାଗ ଯନ୍ତ୍ରୀ ମହମ୍ମଦ ରଜୁହୁଲା ଖାନ, ପିଏଚଡି ଯନ୍ତ୍ରୀ ପ୍ରମୁଖ ଉପସ୍ଥିତ ଥିଲେ ।