ବାରିପଦା (ବଡ଼ ଖବର ବ୍ୟୁରୋ): ଶେଷ ତଥା ସପ୍ତମ ପର୍ଯ୍ୟାୟ ନିର୍ବାଚନକୁ ଅଳ୍ପ କିଛିଦିନ ବାକି ଥିବା ବେଳେ ଉଭୟ ବିଜେଡି ଓ ବିଜେପିର ଷ୍ଟାର୍ ପ୍ରଚାରକ ଏବେ ଜିଲ୍ଲା ମୁହାଁ ହେଲେଣି। ମୟୂରଭଞ୍ଜ ଜିଲ୍ଲାର ବିଭିନ୍ନ ସ୍ଥାନରେ କେନ୍ଦ୍ରମନ୍ତ୍ରୀ ତଥା ବିଜେପିର ଷ୍ଟାର୍ ପ୍ରଚାରକଙ୍କ ବିଭିନ୍ନ କାର୍ଯ୍ୟକ୍ରମ ବର୍ଷା ପାଇଁ ବାତିଲ ହୋଇ ଥିବାବେଳେ ବାରିପଦା ଠାରେ ରୋଡ ଶୋ’ କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା। ପୋଲିସ ଲାଇନ ପଡିଆ ଠାରୁ ଏହି ରୋଡ ଶୋ’ ବାହାରି ଷ୍ଟେସନ ବଜାର ଠାରେ ସମାପ୍ତ ହେଇଥିଲେ।
ବର୍ଷା ସତ୍ବେ ଏହି ରୋଡ ଶୋ’ରେ ଶତାଧିକ ସମର୍ଥକ ଯୋଗ ଦେଇଥିଲେ। ଏହି ରୋଡ ଶୋ’ରେ ଧର୍ମେନ୍ଦ୍ର ପ୍ରଧାନଙ୍କ ସହ ଲୋକ ସଭାପ୍ରାର୍ଥୀ ନବ ଚରଣ ମାଝି ଓ ବାରିପଦା ବିଧାୟକ ପ୍ରାର୍ଥୀ ପ୍ରକାଶ ସୋରେନ ଉପସ୍ଥିତ ଥିଲେ। ଓଡ଼ିଶାରୁ ଭ୍ରଷ୍ଟାଚାର, ଲୋକ ବିରୋଧୀ ସରକାରର ପରିସମାପ୍ତି ଘଟିବ ଏବଂ ବିଜେପି ରାଜ୍ୟରେ ସରକାର କରିବ ବୋଲି କହିଛନ୍ତି ଶ୍ରୀ ପ୍ରଧାନ ।
