ହାଥରସ ପୀଡ଼ିତଙ୍କ ପରିବାରକୁ ଭେଟିଲେ, ସାହାଯ୍ୟ ପାଇଁ ଦେଲେ ଭରସା ରାହୁଲ ଗାନ୍ଧୀ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବିରୋଧୀ ଦଳର ନେତା ରାହୁଲ ଗାନ୍ଧୀ ଶୁକ୍ରବାର ସକାଳେ ଆଲିଗଡ଼ ଏବଂ ପରେ ହାଥରସରେ ପହଞ୍ଚି ହାଥରସରେ ସତସଙ୍ଗ ସମୟରେ ଦଳାଚକଟାରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ପରିବାର ବର୍ଗଙ୍କୁ ଭେଟିବା ସହ ଆହତଙ୍କ ଅବସ୍ଥା ଜାଣିବା ପାଇଁ ଏଠାରେ ସେ ପୀଡିତଙ୍କ ପରିବାର ଲୋକଙ୍କୁ ଭେଟି ସମସ୍ତ ପ୍ରକାର ସମ୍ଭାବ୍ୟ ସାହାଯ୍ୟ ଯୋଗାଇ ଦିଆଯିବ ବୋଲି ଭରସା ଦେଇଛନ୍ତି।

ଦୁଇ ଘଣ୍ଟିଆ ସଡ଼କ ଯାତ୍ରା ପରେ ସାତଟା ବେଳେ ପିଲଖାନାରେ ପହଞ୍ଚିଥିଲେ। ଏହି ଗାଁର ତିନିଜଣ ମହିଳା ଏବଂ ୬ବର୍ଷର ଶିଶୁଙ୍କର ମୃତ୍ୟୁ ଘଟିଛି। ପୀଡିତଙ୍କ ପରିବାରକୁ ୪୦ ମିନିଟ ପାଇଁ ସେଠାରେ ଭେଟିଥିଲେ। ଏହା ପରେ ସେ ପିଲଖାନାରୁ ହାଥରସର ନାଭିପୁର ନିକଟସ୍ଥ ଭବ ନାଗରରେ ଅବସ୍ଥିତ ଗ୍ରୀନ ପାର୍କରେ ପହଞ୍ଚି ପୀଡିତଙ୍କ ପରିବାର ସଦସ୍ୟଙ୍କୁ ଭେଟି ସେମାନଙ୍କ ଯନ୍ତ୍ରଣା ବାଣ୍ଟିଥିଲେ। ହାଥରସ ଘଟଣାକୁ ନେଇ ବିରୋଧୀ ଦଳ ବିଜେପିକୁ ଟାର୍ଗେଟ କରୁଛି। କଂଗ୍ରେସ ରାଜ୍ୟ ସଭାପତି ଅଜୟ ରାୟ ବୁଧବାର ହାଥରସ ଯାଇଥିଲେ। ଏହି ଘଟଣାରେ କଂଗ୍ରେସ ଭାଜପାକୁ ଟାର୍ଗେଟ କରୁଥିବା ଜଣାପଡିଛି।